ព័ត៌មានអន្ដរជាតិ
ក្រុមតាលីបង់ ចេញល្បាត និងប្រហារជីវិតស្រ្តី ដែលមិនស្លៀកពាក់បិទជិត
ស្ត្រីម្នាក់ក្នុងប្រទេសអាហ្វហ្គានីស្ថាន ត្រូវបានក្រុមតាលីបង់សម្លាប់ ដោយសារតែនាងមិនស្លៀកសម្លៀកបំពាក់បិទជិត Burqa នៅទីសាធារណៈ។
ព័ត៌មាននេះកើតឡើង ចំពេលមានរបាយការណ៍ថា ក្រុមទាហានស្ម័គ្រស្លាប់កំពុងតាមប្រមាញ់សកម្មជននិងបុគ្គលិករដ្ឋាភិបាល និងអ្នកទាំងឡាយណាដែលធ្វើការជាមួយអង្គការលោកខាងលិច ជាពិសេសក្នុងកំឡុងពេលនៃការដួលរលំចុងក្រោយរបស់ ក្រុមតាលីបង់ក្រោយថ្ងៃទី១១ខែកញ្ញា។

រូបថតមួយសន្លឹកនៃការសម្លាប់នេះ ដែលត្រូវបានចេញផ្សាយដោយ Fox News កាលពីថ្ងៃពុធ បានបង្ហាញពីសាកសពរបស់ស្ត្រីម្នាក់ ដេកស្លាប់នៅក្នុងថ្លុកឈាម ខណៈមនុស្សជាច្រើនអង្គុយនៅជុំវិញ។
ជនរងគ្រោះ ត្រូវបានគេអះអាងថា ទទួលការប្រហារជីវិតដោយសារចេញទៅក្រៅដោយមិនមានស្លៀកពាក់ burqa ក្នុងតំបន់ Taloqan នៃខេត្ត Takhar។

ឧបទ្ទវហេតុនេះកើតឡើង បើទោះបីជាមេដឹកនាំតាលីបង់ថ្មី ផ្តល់ការធានាចំពោះសុវត្ថិភាពប្រជាជនក៏ដោយ។
លោក Zabihullah Mujahid អ្នកនាំពាក្យរបស់ក្រុមនេះ បាននិយាយថា ខ្លួននឹងមិនស្វែងរកការសងសឹកចំពោះអ្នកដែលបានប្រយុទ្ធប្រឆាំងនឹងខ្លួនទេ ហើយនឹងការពារសិទ្ធិរបស់ស្ត្រីអាហ្វហ្គានីស្ថាននៅក្នុងច្បាប់ Sharia។

ស្របពេលជាមួយគ្នានោះ ជនជាតិអាហ្វហ្គានីស្ថាននិងជាអតីតអ្នកម៉ៅការក្រសួងការបរទេសអាមេរិកម្នាក់ បានប្រាប់ Fox News ថា យុទ្ធជនតាលីបង់បានវាយដំជនស៊ីវិលដែលព្យាយាមចូលអាកាសយានដ្ឋានដើម្បីគេចចេញពីប្រទេស។
ប្រភពដដែលក៏បាននិយាយផងដែរថា ក្រុមយុទ្ធជនតាលីបង់ជាច្រើននាក់ បានចេញល្បាតក្នុងតំបន់នានា ដើម្បីស្វែងរកអ្នកដែលបានជួយដល់កងទ័ពអាមេរិក៕
ប្រែសម្រួល៖ Vann Vann
ប្រភព៖ Daily Star
ចុចអាន៖ ដឹងទេ! ក្រុម តាលីបង់ កំពុងកាន់កាប់ប្រទេសដែលស្ថិតនៅលើស្រទាប់រ៉ែ មានតម្លៃ ១ទ្រីលានដុល្លារ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ