ព័ត៌មានអន្ដរជាតិ

ប្រយ័ត្ន! យុវជនមានអាយុ ២០-៤៩ ឆ្នាំ ប្រឈមខ្ពស់នៃការឆ្លងកូវីដ ដោយមិនបង្ហាញរោគសញ្ញាឲ្យដឹងខ្លួន

បានផុស

៣ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

ដោយយោងតាមគំរូកុំព្យូទ័របានបញ្ជាក់ថា យុវជនមានចន្លោះអាយុ ២០-៤៩ ឆ្នាំ មានហានិភ័យខ្ពស់នៃតួលេខក្នុងការឆ្លងកូវីដ ច្រើនជាងចំនួនពិត នាពេលបច្ចុប្បន្ននេះទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមស្រាវជ្រាវជនជាតិកាណាដា បានសរសេរនៅក្នុងរបាយការណ៍ប្រវត្តិសាស្ត្រផ្ទៃក្នុងរបស់ប្រទេសថា ការឆ្លងកូវីដចំពោះក្រុមមនុស្សក្មេងៗ នឹងមិនត្រូវបានគេរកឃើញទេ ជាពិសេសបុរសវ័យក្មេង អាចជាអ្នកបើកការឆ្លងមេរោគនៅមនុស្សចាស់ច្រើនជាងគេ។

មូលហេតុក្រុមយុវជនមានអត្រាឆ្លងមិនជាក់លាក់ គឺដោយសារមនុស្សចាស់មានហានិភ័យខ្ពស់នៃកូវីដ -១៩ និងលទ្ធផលមិនល្អជាងក្មេង។ ដូច្នេះកិច្ចខិតខំប្រឹងប្រែងចាក់វ៉ាក់សាំងដំបូង ត្រូវបានផ្តោតលើចាស់ៗនិងក្រុមមនុស្សមានហានិភ័យជាមុន។

ដោយប្រើកំណត់ត្រានៃការធ្វើតេស្តនិងការធ្វើរោគវិនិច្ឆ័យ PCR-2 PCR ទាំងអស់នៅ Ontario ប្រទេសកាណាដា ចន្លោះពីខែ មិនា ដល់ខែ ធ្នូ ឆ្នាំ ២០២០ ក្រុមរបស់លោក David Fisman អ្នកនិពន្ធមកពីវិទ្យាល័យតូរ៉ុនតូ បានបង្កើតគំរូស្ថិតិដើម្បីវិភាគថា តើភាពខុសគ្នានៃអត្រាឆ្លងតាមក្រុមអាយុត្រូវបានប៉ះពាល់ដោយប្រេកង់តេស្តដែរឬទេ។

ក្រុមអ្នកស្រាវជ្រាវបាននិយាយថា បន្ទាប់ពីកែតម្រូវប្រេកង់នៃការធ្វើតេស្ត ហានិភ័យនៃការឆ្លងគឺទាបបំផុតចំពោះកុមារអាយុក្រោម ១០ ឆ្នាំ និងចំពោះមនុស្សដែលមានអាយុលើសពី ៨០ ឆ្នាំ បើប្រៀបធៀបទៅនឹងប្រជាជនសរុប។ ចំណែកអត្រាខ្ពស់បំផុតចំពោះមនុស្សវ័យជំទង់ ដែលមានអាយុពី ២០ និងមនុស្សអាយុ ៤៩ ឆ្នាំ ជាពិសេសចំពោះបុរសពេញវ័យតែម្ដង។

សម្រាប់ទិន្នន័យខាងលើនេះ គឺបានមកពីប្រទេសកាណាដាតែមួយប៉ុណ្ណោះ ហើយនឹងត្រូវការការស្រាវជ្រាវបន្ថែមទៀត នៅក្នុងប្រជាជនកាន់តែទូលំទូលាយជាងនេះ៕

ប្រែសម្រួល៖ សាង ស្រីល័ក្ខ

ប្រភព៖asiaone

ចុចអាន៖អ្នកជំនាញ WHO បញ្ជាក់ថា ក្រុមមនុស្សអាយុពី ២០ ទៅ ៤០ ឆ្នាំ មិនបង្ហាញរោគសញ្ញា គឺងាយនឹងឆ្លងកូវីដ

ចុចអាន៖យុវវ័យ បើនៅតែមើលស្រាល នោះ Delta នឹងវាយលុកក្នុងសហគមន៍ កាន់តែខ្លាំងក្លាជាងមុន

ចុចអាន៖WHO ៖ ករណីឆ្លងកូវីដថ្មីនៅលើពិភពលោកមិនថយចុះទេក្នុងរយៈពេល ២ ខែចុងក្រោយនេះ ខណៈវីរុស Delta កាន់តែអុកឡុក

Related Topics:យុវវ័យ