ព័ត៌មានអន្ដរជាតិ
ស្លាប់ទៀតហើយ ក្រោយ ក្រុមតាលីបង់ បាញ់ និងរត់ជាន់គ្នា ពេលជួបជុំប្រារព្ធទិវាឯករាជ្យអាហ្វហ្គានីស្ថាន
សាក្សីម្នាក់បាននិយាយនៅថ្ងៃព្រហស្បតិ៍នេះថា មនុស្សជាច្រើនត្រូវបានបាញ់សម្លាប់ និងរត់ជាន់គ្នានៅក្នុងទីក្រុង Asadabad ប្រទេសអាហ្វហ្គានីស្ថាន នៅពេលដែលក្រុមតាលីបង់បានបើកការបាញ់ប្រហារ លើមនុស្សដែលគ្រវីទង់ជាតិនៅឯការជួបជុំគ្នានាថ្ងៃបុណ្យឯករាជ្យ ពោលមួយថ្ងៃបន្ទាប់ពីមនុស្ស ៣ នាក់ត្រូវបានបាញ់សម្លាប់នៅក្នុងការតវ៉ាស្រដៀងគ្នានេះ ។

សាក្សីលោក Mohammed Salim បាននិយាយពីទីក្រុងភាគខាងកើតនៃខេត្ត Kunar ថា “មនុស្សជាច្រើននៅក្នុងទីក្រុង Asadabad បានស្លាប់ និងរបួសនៅក្នុងការរត់ជាន់គ្នា និងការបាញ់ប្រហារដោយក្រុមតាលីបង់” ។

ទន្ទឹមនោះ សាក្សី និងប្រព័ន្ធផ្សព្វផ្សាយបានរាយការណ៍ថា កាលពីថ្ងៃពុធក្រុមយុទ្ធជនតាលីបង់ក៏បានបាញ់ទៅលើក្រុមបាតុករ ដែលគ្រវីទង់ជាតិពណ៌ខ្មៅ ក្រហម និងបៃតងនៅទីក្រុង Jalalabad ដោយបានសម្លាប់មនុស្ស ៣ នាក់ ។

បន្ថែមពីនេះ ប្រព័ន្ធផ្សព្វផ្សាយក៏បានរាយការណ៍ពីទិដ្ឋភាពស្រដៀងគ្នានេះ នៅក្នុងទីក្រុង Asadabad និងទីក្រុងភាគខាងកើតមួយទៀតគឺទីក្រុង Khost កាលពីថ្ងៃពុធ ខណៈក្រុមអ្នកតវ៉ានៅកន្លែងខ្លះ បានបំផ្លាញផ្ទាំងបដាឥស្លាមពណ៌សរបស់តាលីបង់ ។

គួររំឭកថា នៅថ្ងៃទី ១៩ ខែសីហានេះ អាហ្វហ្គានីស្ថានបានប្រារព្ធទិវាឯករាជ្យរបស់ខ្លួនឆ្នាំ ១៩១៩ ពីការគ្រប់គ្រងរបស់អង់គ្លេស ៕
ប្រែសម្រួលដោយ ៖ ជីវ័ន្ត
ប្រភព ៖ Yahoo
ចុចអាន ៖ ក្រុមតាលីបង់ ចេញល្បាត និងប្រហារជីវិតស្រ្តី ដែលមិនស្លៀកពាក់បិទជិត

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ