ព័ត៌មានអន្ដរជាតិ

ការវិវត្ត៥យ៉ាង ខណៈតាលីបង់តាមប្រមាញ់អ្នកធ្វើការឲ្យ NATO ដល់ផ្ទះ

បានផុស

៣ years មុន

នៅ

ថ្ងៃសុក្រ ២០ សីហា ២០២១

ដោយ

របាយការណ៍អង្គការសហប្រជាជាតិមួយបានព្រមានថា ក្រុមតាលីបង់បានចេញស្រាវជ្រាវរកមនុស្សដែលធ្វើការឲ្យកម្លាំងចម្រុះអន្តរជាតិ (NATO) ឬអ្នកដែលធ្វើការឲ្យរដ្ឋាភិបាលអាហ្វហ្គានីស្ថានមុន។

របាយការណ៍បានឲ្យដឹងថា សកម្មប្រយុទ្ធបានកំពុស្រាវជ្រាវមនុស្សដែលជាគោលដៅរបស់ពួកគេពីផ្ទះមួយទៅផ្ទះមួយ និងគំរាមកំហែងសមាជិកគ្រួសាររបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមឥស្លាមនិយមរឹងរូសបានព្យាយាមធានាដល់ពលរដ្ឋអាហ្វហ្គានីស្ថាន ចាប់តាំងពីពួកគេកាន់កាប់អំណាចដោយបានសន្យាថា នឹងមិនមានការសងសឹកឡើយ។ ប៉ុន្តែមានការភ័យខ្លាចយ៉ាងខ្លាំងដែលតាលីបង់អាចកែប្រែដោយសារតែពួកគេធ្លាប់ឃោឃៅកាលពីទសវត្សរ៍ឆ្នាំ១៩៩០។

ការព្រមានដែលក្រុមនេះកំពុងមានគោលដៅលើ«អ្នកសហការ»ដែលកើតមានពីឯកសារសម្ងាត់មួយរបស់មជ្ឈមណ្ឌលន័រវែសសម្រាប់ការវិភាគសកល RHIPTO ដែលផ្តល់ការស៊ើបការណ៍សម្ងាត់ដល់អង្គការសហប្រជាជាតិ។

លោក Christian Nellemann ប្រធានក្រុមអ្នកស្រាវជ្រាវរបាយការណ៍នេះបាននិយាយថា ៖«បុគ្គលមួយចំនួនធំឥឡូវនេះបានក្លាយជាគោលដៅរបស់ពួកតាលីបង់ និងការគំរាមកំហែងគឺច្បាស់ណាស់»។

«របាយការណ៍សរសេរថា ប្រសិនបើពួកគេមិនប្រគល់ខ្លួន តាលីបង់នឹងចាប់ខ្លួន ហើយចោទប្រកាន់ សួរចម្លើយ និងដាក់ទណ្ឌកម្មលើសមាជិកគ្រួសារក្នុងនាមបុគ្គលទាំងនោះ»។

លោក Christian បានព្រមានថា នរណាម្នាក់ដែលស្ថិតនៅក្នុងបញ្ជីខ្មៅរបស់តាលីបង់គឺប្រឈមនឹងគ្រោះថ្នាក់ធ្ងន់ធ្ងរ ហើយអាចមានការប្រហារជីវិតច្រើន។

Zaki Anwari អាយុ១៩ឆ្នាំជាកីឡាករបាល់ទាត់ជម្រើសជាតិអាហ្វហ្គានីស្ថាន

ការវិវត្តសំខាន់ផ្សេងៗទៀត

ការតវ៉ាប្រឆាំងនឹងតាលីបង់កាន់ច្រើនកើតមានតាមទីក្រុងនានា។ នៅរដ្ឋធានីកាប៊ុល បាតុករគ្រវីទង់ជាតិ ខណៈមានសេចក្តីរាយការណ៍ថា មានអ្នករបួស និងស្លាប់ជាច្រើននាក់ក្នុងចំណោមក្រុមតវ៉ានៅអាសាដាបាដ។
ម្នាក់ក្នុងចំណោមអ្នកស្លាប់ដោយសារធ្លាក់ពីយន្តហោះអាមេរិកត្រូវបានគេស្គាល់ឈ្មោះ Zaki Anwari អាយុ១៩ឆ្នាំជាកីឡាករបាល់ទាត់ជម្រើសជាតិអាហ្វហ្គានីស្ថាន។
កម្លាំងបរទេសបានកំពុងបន្តប្រឹងប្រែងដើម្បីជម្លៀសពលរដ្ឋរបស់ខ្លួនចេញពីអាហ្វហ្គានីស្ថាន។ សហរដ្ឋអាមេរិកបាននិយាយថា ខ្លួនបានជម្លៀសមនុស្សបាន៧០០០នាក់ហើយចាប់តាំងពីថ្ងៃទី១៤ ខែសីហា។
នៅខាងក្រៅព្រលានយន្តហោះកាប៊ុល ស្ថានភាពនៅតែវឹកវរ។ តាលីបង់បានកំពុងរារាំងជនជាតិអាហ្វហ្គានីស្ថានដែលព្យាយាមភៀសខ្លួន។ ក្នុងនោះមានវីដេអូមួយបង្ហាញកុមារតូចម្នាក់ត្រូវបានផ្តល់ទៅទាហានអាមេរិកម្នាក់។
មន្ត្រីអាមេរិកបាននិយាយថា ឥឡូវនេះ តាលីបង់បានគ្រប់គ្រងរាប់ពាន់គ្រឿងនៃរថយន្តពាសដែលផលិតនៅអាមេរិក យន្តហោះ និងអាវុធធុនតូចមួយចំនួនធំ។