ព័ត៌មានអន្ដរជាតិ
WHO ថា វ៉ាក់សាំងរបស់ចិន ៣ លានដូសនឹងផ្ដល់ទៅប្រទេសដែលគ្មានឆ្លងកូវីដសូម្បីមួយករណី
អង្គការសុខភាពពិភពលោក (WHO) បាននិយាយថា ខ្លួនមានគម្រោងបែងចែកវ៉ាក់សាំងដែលផលិតដោយចិន ប្រមាណ ៣ លានដូសដល់កូរ៉េខាងជើង ប៉ុន្តែមិនបានបង្ហាញពីពេលវេលាកំណត់នៅឡើយទេ ។

លោក Edwin Salvador ប្រធានការិយាល័យ WHO នៅទីក្រុងព្យុងយ៉ាងបាននិយាយថា “វ៉ាក់សាំង Sinovac របស់ចិនចំនួន ២.៩៧ លានដូសនឹងត្រូវបញ្ជូនទៅកូរ៉េខាងជើង ។ យើងនៅតែរង់ចាំការឆ្លើយតប របស់កូរ៉េខាងជើងចំពោះការផ្តល់ជូននេះ” ។
លោក Salvador បាននិយាយប្រាប់វិទ្យុកូរ៉េ RFA ថា “ជាមួយនឹងវ៉ាក់សាំងការពារជំងឺកូវីដ ១៩ របស់ចិន ឥឡូវនេះអាចត្រូវបានរក្សាទុកនៅចន្លោះពី ២ និង ៨ អង្សាសេ ហើយកូរ៉េខាងជើងមានកំណត់ត្រាល្អស្តីពីការចាក់វ៉ាក់សាំង ប្រទេសនេះត្រូវបានគេរំពឹងថានឹងគ្រប់គ្រងការចាក់វ៉ាក់សាំងការពារជំងឺកូវីដ ១៩ ជាមួយនឹងការគាំទ្រផ្នែកបច្ចេកទេសគ្រប់គ្រាន់ ដូចជាការស្តុកទុកក្នុងទីតាំងត្រជាក់ និងការត្រួតពិនិត្យ ក៏ដូចជាការឃ្លាំមើល ក្នុងអំឡុងពេលការអនុវត្តនេះ ។

រហូតមកពេលនេះ ប្រទេសកូរ៉េខាងជើងមិនបានបញ្ជាក់ជាសាធារណៈ អំពីការទទួលវ៉ាក់សាំងការពារជំងឺកូវីដ ១៩ ឡើយ បន្ទាប់ពីបានស្នើសុំទទួលវ៉ាក់សាំងចំនួន ១.៧ លានដូសពីយន្តការ COVAX របស់ WHO កាលពីដើមឆ្នាំនេះ ខណៈដែលយន្តការ COVAX បាននិយាយថា ខ្លួននឹងបែងចែកវ៉ាក់សាំងសរុបចំនួន ១.៩៩ លានដូសដល់ប្រទេសនេះ ។
គួរបញ្ជាក់ថា កូរ៉េខាងជើងមិនបានរាយការណ៍ករណីឆ្លងជំងឺកូវីដ ១៩ សូម្បីមួយករណី បន្ទាប់ពីមានវិធានការទប់ស្កាត់យ៉ាងតឹងរ៉ឹងតាមព្រំដែន ៕

ប្រែសម្រួលដោយ ៖ ជីវ័ន្ត
ប្រភព ៖ UPI

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ