ព័ត៌មានអន្ដរជាតិ

អាមេរិក ផ្ទុះវីរុសចម្លែកមួយទៀតរកឃើញនៅក្នុងទឹកបឹង សម្លាប់ក្មេងម្នាក់ស៊ីខួរខ្ទេច

បានផុស

៣ years មុន

នៅ

ថ្ងៃសុក្រ ២០ សីហា ២០២១

ដោយ

ប្រព័ន្ធផ្សព្វផ្សាយអាមេរិកបានរាយការណ៍ថា ក្មេងប្រុសអាយុ ៧ ឆ្នាំម្នាក់បានស្លាប់ក្រោយឆ្លងជំងឺចម្លែកកម្រកើតមាន Brain-eating Amoeba ដោយបានស៊ីខួរក្បាលខ្ទេច បន្ទាប់ពីគេចុះហែលទឹកបឹងមួយ នៅភាគខាងជើងរដ្ឋកាលីហ្វ័រញ៉ា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត Los Angeles Times បានរាយការណ៍ថាសូម្បីលោកវេជ្ជបណ្ឌិត David Pruitt ដែលរស់នៅក្នុងតំបន់ Tehama County ក៏បានស្លាប់ដោយសារជំងឺរលាកស្រោមខួរ Amoeba (PAM) ដែលជាការឆ្លងមេរោគខួរក្បាលដ៏កម្រ។ បន្ទាប់មកក្មេងប្រុសនេះក៏បានឆ្លងជំងឺនេះ បន្ទាប់ពីហែលទឹកក្នុងបឹងទឹកសាបកាលពីខែមុន។ ជនរងគ្រោះត្រូវបានបញ្ជូនទៅមជ្ឈមណ្ឌលវេជ្ជសាស្ត្រ UC Davis នៅថ្ងៃទី ៣០ ខែកក្កដានិងបានបាត់បង់ជីវិតនៅថ្ងៃទី ៧ ខែសីហា។

PAM ត្រូវបានបង្កឡើងដោយប្រភេទ Negleria amoeba ដែលត្រូវបានគេស្គាល់ថាជា Amoeba ដែលស៊ីខួរក្បាល និងរកឃើញមាននៅក្នុងទឹកសាបនិងក្នុងដី។

ទីភ្នាក់ងារសេវាកម្មសុខភាពសាធារណៈរបស់រដ្ឋ Tehama បានបញ្ជាក់នៅក្នុងសេចក្តីប្រកាសព័ត៌មានមួយនៅដើមខែនេះថា មនុស្សនឹងឆ្លងមេរោគប្រសិនបើទឹកនោះមានវីរុស Amoeba ហើយនឹងបានផ្ទុះឡើងយ៉ាងធ្ងន់ធ្ងរនៅច្រមុះរបស់ពួកគេ។ នៅពេលដែលការឆ្លងមេរោគចូលក្នុងច្រមុះ Amoeba ពេលខ្លះផ្លាស់ទីទៅខួរក្បាល ហើយបំផ្លាញជាលិកាខួរក្បាលតែម្ដង។

មជ្ឈមណ្ឌលគ្រប់គ្រងនិងការពារជំងឺអាមេរិក (CDC) រាយការណ៍ថា នៅដំណាក់កាលដំបូងនៃការឆ្លងមេរោគនាយកដ្ឋានគ្រប់គ្រងនិងបង្ការជំងឺរបស់សហរដ្ឋអាមេរិកបញ្ជាក់ថា រោគសញ្ញាអាចជួបប្រទះជាមួយនឹងការ ឈឺក្បាលធ្ងន់ធ្ងរ គ្រុនក្ដៅ និងក្អួតចង្អោរ ។ រោគសញ្ញាអាចវិវឌ្ឍធ្ងន់ធ្ងរជាងនេះ ដូចជា ឈឺបំពង់ក ប្រកាច់ ឬមានអារម្មណ៍ស្លន់ស្លោ ហើយលេចឡើងពី ១-៩ ថ្ងៃ បន្ទាប់ពីឆ្លងមេរោគ Amoeba។