ព័ត៌មានអន្ដរជាតិ

តាលីបង់ថា អាមេរិកកំពុងបង្កើតឆាកល្ខោនជម្លៀសមនុស្ស

បានផុស

៣ years មុន

នៅ

ថ្ងៃចន្ទ ២៣ សីហា ២០២១

ដោយ

មន្ត្រីជាន់ខ្ពស់តាលីបង់ម្នាក់បានចោទប្រកាសប្រទេសលោកខាងលិចពីការកំពុងព្យាយាមបង្កើតភាពភិតភ័យ និងចលាចលនៅប្រទេសអាហ្វហ្គានីស្ថាន បន្ទាប់ពីក្រុមឥស្លាមនិយមកាន់កាប់រដ្ឋធានីកាប៊ុល។

ថ្លែងកាលពីថ្ងៃអាទិត្យ លោក Amir Khan Mutaqi ដែលជាមន្ត្រីជាន់ខ្ពស់តាលីបង់ម្នាក់ថា កន្លែងតែមួយគត់ដែលមានចលាចលឥឡូវនេះគឺព្រលានយន្តហោះកាប៊ុល ជាកន្លែងដែលលោកបានលើកឡើងថា ត្រូវបានគេចោទប្រកាន់ពីបាញ់សម្លាប់មនុស្ស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា សហរដ្ឋអាមេរិកបានកំពុងបិទបាំងបរាជ័យរបស់ខ្លួនតាមរយៈការបង្កើតឆាកល្ខោនជម្លៀសមនុស្សចេញ។

លោក Mutaqi បានបកស្រាយចំពោះការមិនពេញដែលអាចកើតមានឡើងក្នុងជួរតាលីបង់ដោយបានអះអាងថា ការសម្រេចចិត្តជាក់លាក់ត្រូវបានធ្វើឡើងដើម្បីផលប្រយោជន៍យូរអង្វែងនៃចលនា និងតួនាទីរបស់ខ្លួននៅអាហ្វហ្គានីស្ថាន។

លោកបានក៏ប្រកាសដែរថា តាលីបង់កំពុងស្ថិតក្នុងពិភាក្សាជាមួយគ្រប់បក្សពួកទាំងអស់ដើម្បីឈានដល់កិច្ចព្រមព្រៀងមួយបង្កើតរដ្ឋាភិបាលនាពេលខាងមុខ។

តាមការផ្សាយរបស់ thefinancialexpress ថា រហូតដល់ពេលនេះ ប្រជាជនអាហ្វហ្គានីស្ថានប្រមាណ២.២លាននាក់ហើយបានភៀសខ្លួនទៅកាន់ប្រទេសជិតខាង និងមនុស្សប្រមាណ៣.៥លាននាក់បានផ្លាស់ទីលំនៅក្នុងប្រទេសដោយសារសង្គ្រាម និងអស្ថេរភាពជាច្រើនឆ្នាំកន្លងទៅនេះ៕