តាលីបង់ អះអាងថា ក្រុមអាល់កៃដា មិនមានវត្តមាននៅ អាហ្វហ្គានីស្ថាន នោះទេ

លោក Mohammed Naeem អ្នកនាំពាក្យការិយាល័យនយោបាយរបស់តាលីបង់ បានអះអាងថា ក្រុមអាល់កៃដា “មិនមាន” នៅក្នុងប្រទេសអាហ្វហ្គានីស្ថានឡើយ ហើយយើងគ្មានទំនាក់ទំនងជាមួយពួកគេទេ ។

ការអះអាងនេះកើតឡើងប៉ុន្មានថ្ងៃ បន្ទាប់ពីលោកប្រធានាធិបតី ចូ បៃដិន បានទទូចថា សហរដ្ឋអាមេរិកបានឈានដល់គោលដៅកម្ចាត់ក្រុមអាល់កៃដានៅអាហ្វហ្គានីស្ថាន ។

ទោះយ៉ាងណា មន្ទីរបញ្ចកោណហាក់ដូចជាធ្វើផ្ទុយពីសេចក្តីថ្លែងការណ៍របស់លោក បៃដិន ដោយនិយាយថា “យើងដឹងថា ក្រុមអាល់កៃដាគឺនៅតែមានវត្តមាន រួមជាមួយក្រុម ISIS នៅអាហ្វហ្គានីស្ថាន” ។

គួរបញ្ជាក់ថា កាលពីថ្ងៃទី ១៥ ខែសីហា ក្រុមតាលីបង់បានចូលរដ្ឋធានីកាប៊ុលរបស់អាហ្វហ្គានីស្ថាន ។ លោកប្រធានាធិបតី Ashraf Ghani បានលាលែងពីតំណែង ហើយភៀសខ្លួនចេញពីប្រទេសដើម្បីបញ្ចៀសការបង្ហូរឈាម ប្រសិនបើក្រុមបះបោរបន្តប្រយុទ្ធដើម្បីយកទីក្រុងនេះ ខណៈប្រទេសផ្សេងៗបានកាត់បន្ថយ ឬជម្លៀសបេសកកម្មការទូតរបស់ខ្លួនចេញទីក្រុងកាប៊ុល ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ គ្រាន់តែចម្អិនម្ហូបមិនឆ្ងាញ់ តាលីបង់ ដុតស្រ្តីអាហ្វហ្គានីស្ថាន