តាលីបង់ បញ្ចេញវីដេអូ បង្អួតកាំភ្លើងនិងលុយដុល្លារអាមេរិក ដែលរឹបអូសបានទាំងបាច់ៗ គរដូចភ្នំ

បន្ទាប់ពីសហរដ្ឋអាមេរិកនិងមូលនិធិរូបិយវត្ថុអន្តរជាតិ (IMF) បានផ្អាកផ្តល់មូលនិធិដល់ប្រទេសអាហ្វហ្គានីស្ថាន ក្រុមតាលីបង់បានបង្ហាញសព្វាវុធដែលពួកគេ រឹបអូសបានយ៉ាងច្រើនក្រាស់ក្រែល។

វីដេអូនេះ បង្ហាញពីបុរសតាលីបង់សម្ញែងកាំភ្លើងនិងប្រាក់ដុល្លារអាមេរិក ដែលពួកគេរឹបអូសបានពីកងកម្លាំងអាហ្វហ្គានីស្ថាន។

សព្វាវុធដែលរឹបអូសបានរួមមានកាំភ្លើងវែង កាំភ្លើងខ្លីនិងអាវុធថ្លៃៗ ច្រើនប្រភេទខុសៗគ្នា។

នៅក្នុងវីដេអូមួយទៀត សមាជិកម្នាក់នៃក្រុមឥស្លាមនេះ ត្រូវបានគេឃើញបង្ហាញលុយដុល្លារអាមេរិកដែលរឹបអូសបានទាំងបាច់ៗគរដូចភ្នំ។

កាលពីថ្ងៃពុធ IMF បានរារាំងអាហ្វហ្គានីស្ថាន មិនឲ្យទទួលបានទុនបម្រុងសង្គ្រោះបន្ទាន់ ដែលមានតម្លៃ ៤៦០ លានដុល្លារ។

ការសម្រេចចិត្តរបស់ IMF ក្នុងការរារាំងមូលនិធិ គឺបានកើតឡើងបន្ទាប់ពីមានសម្ពាធពីរដ្ឋបាលលោក Biden។

តាលីបង់ ដែលជាអ្នកគ្រប់គ្រងថ្មីរបស់អាហ្វហ្គានីស្ថាន បានចូលកាន់កាប់ទីក្រុងកាប៊ុលកាលពីថ្ងៃទី១៥ខែសីហា។ ល្បឿនដ៏លឿននៃការវាយលុករបស់ខ្លួន បានបង្កការភ្ញាក់ផ្អើលទូទាំងពិភពលោក៕

វីដេអូ៖

ប្រែសម្រួល៖ Vann Vann

ប្រភព៖ Hindustan Times

ចុចអាន៖ ចលនាតស៊ូប្រដាប់អាវុធ អាហ្វហ្គានីស្ថាន បដិសេធមិនចុះចាញ់ តាលីបង់ ហើយព្រមានសង្គ្រាមនឹងផ្ទុះឡើង