តាលីបង់ លើកលែងទោសដល់លោក Ghani ហើយអនុញ្ញាតឲ្យគាត់ចូលប្រទេសអាហ្វហ្គានីស្ថានវិញបាន

មេដឹកនាំជាន់ខ្ពស់របស់តាលីបង់លោក Khalil al-Rahman Haqqani បានប្រាប់ទូរទស្សន៍ Geo TV របស់ប៉ាគីស្ថានថា ក្រុមតាលីបង់បានផ្តល់ការលើកលែងទោសដល់ប្រធានាធិបតីអាហ្វហ្គានីស្ថាន ដែលរត់គេចខ្លួនគឺលោក Ashraf Ghani និងអនុប្រធានាធិបតី Amrullah Saleh ។

លោក Haqqani បាននិយាយថា តាលីបង់នឹងអនុញ្ញាតឲ្យពួកគេទាំងពីរ វិលត្រឡប់ចូលប្រទេសអាហ្វហ្គានីស្ថានវិញ ប្រសិនបើពួកគេចង់ធ្វើបែបនេះ ។

លោកបាននិយាយទៀតថា “យើងអភ័យទោសឲ្យលោក Ashraf Ghani លោក Amrullah Saleh និងទីប្រឹក្សាសន្តិសុខប្រធានាធិបតីអាហ្វហ្គានីស្ថានលោក Hamdullah Mohib” ។

លោក Haqqani បញ្ជាក់ថា “យើងអភ័យទោសដល់អ្នករាល់គ្នា ដោយចាប់ផ្តើមពីឧត្តមសេនីយ៍ម្នាក់ដែលបានប្រយុទ្ធប្រឆាំងនឹងយើង ទៅជាមនុស្សសាមញ្ញ” ។

ជាចុងក្រោយមេដឹកនាំជាន់ខ្ពស់រូបនេះសង្កត់ធ្ងន់ថា សត្រូវរវាងតាលីបង់ និងអ្នកនយោបាយទាំងបីនាក់នេះ កើតចេញពីសាសនាតែប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចលនាតស៊ូប្រដាប់អាវុធ អាហ្វហ្គានីស្ថាន បដិសេធមិនចុះចាញ់ តាលីបង់ ហើយព្រមានសង្គ្រាមនឹងផ្ទុះឡើង