ព័ត៌មានអន្ដរជាតិ

នេះប្រសិទ្ធភាពវ៉ាក់សាំងកូវីដថ្មីរបស់តៃវ៉ាន់ចាប់ផ្តើមចាក់ផ្លូវការម្សិលមិញ

បានផុស

៤ years មុន

នៅ

ថ្ងៃអង្គារ ២៤ សីហា ២០២១

ដោយ

កាលពីម្សិលមិញនេះ ប្រធានាធិបតីកោះតៃវ៉ាន់ លោកស្រី Tsai Ing-wen បានទទួលវ៉ាក់សាំងបង្ការកូវីដ-១៩ដូសទី១នៃវ៉ាក់សាំងផលិតក្នុងស្រុកជាលើកដំបូងដើម្បីក្លាយជាសញ្ញាដំណើរការចាក់ជាផ្លូវការ។

តាមពិតទៅវ៉ាក់សាំងប្រឆាំងកូវីដផលិតដោយក្រុមហ៊ុន Medigen Vaccine Biologics Corp ត្រូវបានអនុម័តឲ្យប្រើប្រាស់ជាបន្ទាន់ដោយ ក្រសួងសុខាភិបាលតៃវ៉ាន់កាលពីខែមុន ប៉ុន្តែទើបតែដំណើរការចាក់កាលពីថ្ងៃចន្ទ ទី២៣ ខែសីហានេះដើម្បីបង្កើនល្បឿននៃការចាក់ដល់ប្រជាជនដែលកម្មវិធីបច្ចុប្បន្នចាក់វ៉ាក់សាំង Moderna ឬ AstraZeneca។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រហូតដល់ពេលនេះ មនុស្សជាង ៧០០០០០នាក់បានចុះឈ្មោះដើម្បីចាក់វ៉ាក់សាំង Medigen នេះ។ បន្ទាប់ពីចាក់ដូសទី១រយៈពេល២៨ថ្ងៃទើបចាក់ដូសទី២។

លោក Charles Chen នាយកប្រតិបត្តិក្រុមហ៊ុន Medigen Vaccine Biologics Corp បានប្រាប់ថា ៖«យើងបានធ្វើពិសោធច្រើនណាស់។ អ្នករាល់គ្នាឃើញពីសុវត្ថិភាពរបស់វ៉ាក់សាំងនេះយ៉ាងណាហើយ។ ចំពោះផលរំខានវិញគឺតិចណាស់ ស្ទើរតែមិនក្តៅខ្លួនសោះ។ ដូច្នេះខ្ញុំគិតថា អ្នករាល់គ្នាអាចត្រូវបានធានាសុវត្ថិភាព»។

យោងតាមមន្ត្រីមជ្ឈមណ្ឌលគ្រប់គ្រងជំងឺកូវីដ(CECC) បានឲ្យដឹងថា ការសាកល្បងគ្លីនិកសាស្ត្រដំណាក់កាលទី២ វ៉ាក់សាំង Medigen មានប្រសិទ្ធភាពរហូតដល់៩០%ប្រឆាំងកូវីដ-១៩។

អ្នកគ្រប់គ្រងគណៈកម្មាធិការប្រឹក្សាស្តីពីការអនុវត្តិចាក់ថ្នាំបង្ការរបស់ CECC លោក Lee Ping-ing បានពន្យល់ថា សារៈសំខាន់នៃលទ្ធផលសាកល្បងគ្លីនិកសាស្ត្រដំណាក់កាលទី២ពីវ៉ាក់សាំង Medigen មានប្រសិទ្ធភាពប្រហែល៩០%។

បន្ថែមលើនេះទៀត អត្រាសក្កានុពលនៃការឆ្លើយតបរបស់វ៉ាក់សាំ Medigen គឺមាន៩៥.៥%ដែលខ្ពស់ជាងតម្រូវការស្តង់ដារ៥០%។ លោក Lee បញ្ជាក់ថា ចំនួនខ្ពស់នៃវ៉ាក់សាំង Medigen គឺមិននឹកស្មានដល់នេះ៕

ប្រែសម្រួល៖ វីរបុត្រ
ប្រភព៖ Taiwannews