ក្រុមតាលីបង់ យករំពាត់វាយអ្នកស្លៀកពាក់បែបលោកខាងលិចនៅតាមផ្លូវ ខណៈតម្លៃ burqa ឡើងមួយទ្វេជាពីរ 

ក្រុមយុទ្ធជនតាលីបង់ បានវាយជនស៊ីវិលអាហ្វហ្គានីស្ថាននៅតាមដងផ្លូវ ដោយសារតែស្លៀកពាក់បែបលោកខាងលិចដូចជាខោខូវប៊យជាដើម ខណៈក្រុមនេះពង្រឹងការក្តោបក្តាប់អំណាចក្នុងប្រទេសអាហ្វហ្គានីស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុវជនអាហ្វហ្គានីស្ថានជាច្រើននាក់ បានបង្ហោះនៅលើបណ្តាញសង្គមថា ពួកគេត្រូវបានក្រុមតាលីបង់វាយនឹងរំពាត់ ដោយសារតែស្លៀកខោខូវប៊យបន្ទាប់ពីរងការប្រកាន់ថា មិនគោរពសាសនាឥស្លាម។

អ្នកលេងបណ្តាញសង្គមម្នាក់និយាយថា ក្មេងប្រុស កំពុងដើរជាមួយមិត្តភក្តិក្នុងទីក្រុងកាប៊ុល នៅពេលដែលពួកគេត្រូវបានប្រឈមមុខដោយទាហានតាលីបង់។ 

មិត្តភក្តិរបស់ពួកគេពីរនាក់បានរត់គេចខ្លួន ប៉ុន្តែអ្នកផ្សេងទៀតត្រូវបានភ្ជង់កាំភ្លើង ហើយវាយនឹងរំពាត់នៅតាមផ្លូវ។

មន្រ្តីតាលីបង់ម្នាក់បានប្រាប់កាសែតក្នុងស្រុក Etilaatroz ថា ចលនានេះនៅតែសម្រេចចិត្តលើច្បាប់ស្លៀកពាក់សម្រាប់បុរស ប៉ុន្តែរបាយការណ៍បានបង្ហាញថា ពួកតាលីបង់មិនចង់អនុញ្ញាតឲ្យស្លៀកសម្លៀកបំពាក់បែបលោកខាងលិច ដែលខុសពីសម្លៀកបំពាក់ប្រពៃណីអាហ្វហ្គានីស្ថានឡើយ។

ជាមួយគ្នានេះដែរ សារព័ត៌មាន Telegraph បានរាយការណ៍ថា ស្របពេលការលក់សម្លៀកបំពាក់បិទជិតរាងកាយឬគេហៅថា burqas មានកាន់កើនឡើងខ្ពស់នៅក្នុងប្រទេសអាហ្វហ្គានីស្ថាននោះ តម្លៃសម្លៀកបំពាក់នេះ បានកើនឡើងមួយទ្វេជាពីរ។

គួរបញ្ជាក់ថា ក្រោមការគ្រប់គ្រងរបស់តាលីបង់កាលពីចុងទស្សវត្សរ៍ទី៩០ បុរសត្រូវពាក់រ៉ូបប្រពៃណី ខណៈក្មេងស្រីត្រូវបង្ខំឲ្យពាក់ burqas ចាប់ពីអាយុ ៨ ឆ្នាំឡើង៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ តាលីបង់ រត់ពន្ធគ្រឿងសព្វាវុធនិងរថពាសដែកអាមេរិក ចូលទៅ ប៉ាគីស្ថាន ដើម្បីលក់ឲ្យភេរវករ យកលុយធ្វើសង្គ្រាម