ព័ត៌មានអន្ដរជាតិ

តាលីបង់បញ្ជាក់គោលជំហរសំខាន់៥យ៉ាងចុងក្រោយបំផុត

បានផុស

៣ years មុន

នៅ

ថ្ងៃពុធ ២៥ សីហា ២០២១

ដោយ

ក្រុមតាលីបង់បានធ្វើឲ្យមានស្ថានភាពវិវត្តលឿនមួយចំនួនស្របពេលកម្លាំងសហរដ្ឋអាមេរិកបានកំពុងប្រឹងប្រែងដើម្បីជម្លៀសពលរដ្ឋចេញពីប្រទេសអាហ្វហ្គានីស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចុងក្រោយនេះ អ្នកនាំពាក្យក្រុមតាលីបង់ Zabihullah Mujahid បានធ្វើសន្និសីទកាសែតមួយថ្មីទៀតហើយ បន្ទាប់ពីធ្វើលើកទី១កាលពីសប្តាហ៍ ក្រោយពេលពួកតាលីបង់កាន់កាប់អាហ្វហ្គានីស្ថាន។ ក្នុងសន្និសីទកាសែតនេះត្រូវបានគេចាប់អារម្មណ៍លើកត្តា៥ចំណុច។

តាលីបង់ចង់ឲ្យជនជាតិបរទេសទាំងអស់ជម្លៀសចេញត្រឹមថ្ងៃទី៣១ ខែសីហា ដែលជាពេលវេលាកំណត់។ បន្ថែមលើពីនេះ ពួកគេមិនគាំទ្រឲ្យពលរដ្ឋអាហ្វហ្គានីស្ថានចាកចេញពីប្រទេសឡើយ។
តាលីបង់ជំរុញឲ្យពលរដ្ឋអាហ្វហ្គានីស្ថានទាំងអស់វិលត្រឡប់ទៅផ្ទះវិញ និងស្នើសុំឲ្យសហរដ្ឋអាមេរិកឈប់ជំរុញឲ្យពួកគេចាកចេញពីប្រទេសទៀតទៅ។
លោកបានលើកឡើងថា ស្ត្រីភេទនឹងមិនត្រូវបានរារាំងជាអចិន្ត្រៃយ៍ជុំវិញទៅធ្វើការនោះទេ។ លោកថា អាជ្ញាធរនឹងព្យាយាមវិធីសាស្ត្រដើម្បីឲ្យពួកគេត្រឡប់មកវិញ។
លោកមានប្រសាសន៍ថា ស្ថានទូតបរទេសអាចត្រូវបានធានាសុវត្ថិភាពរបស់ពួកគេ និងជំរុញពួកគេកុំបិទទ្វារ ឬឈប់ធ្វើការ។
អ្នកនាំពាក្យបញ្ជាក់ថា សាសារៀន សាកលវិទ្យាល័យ និងសាលាសាសនា ព្រមទាំងមន្ទីរពេទ្យ រដ្ឋាភិបាលមូលដ្ឋាន ទូរទស្សន៍ និងវិទ្យុត្រូវប្រតិបត្តិការឡើងវិញ។

អ្នកនាំពាក្យ Zabihullah Mujahid បានបញ្ជាក់ថា ប្រទេសអន្តរជាតិគួរបញ្ឈប់ជំរុញឲ្យពលរដ្ឋអាហ្វហ្គានីស្ថានចាកចេញពីប្រទេសទៅ។ ប្រជាជនអាហ្វហ្គានីស្ថានគួរវិលត្រឡប់ទៅផ្ទះវិញ ទៅធ្វើការវិញ និងរស់នៅជីវិតធម្មតា ពីព្រោះគ្មានគ្រោះថ្នាក់អ្វីដល់ពួកគេទេ។

លោកបន្ថែមថា ៖«សូមរស់នៅជាមួយគ្នា។ សង្គ្រាមសម្រាប់ពួកយើងចប់ហើយ»៕

ប្រែសម្រួល៖ វីរបុត្រ
ប្រភព៖ BBC