ព័ត៌មានអន្ដរជាតិ

តាលីបង់ដាក់កំហិតថា ហាមស្ដាប់តន្ត្រី ខណៈស្ត្រីចេញក្រៅផ្ទះ ត្រូវមានបុរសអមជាមួយដាច់ខាត

បានផុស

៣ years មុន

នៅ

ថ្ងៃសុក្រ ២៧ សីហា ២០២១

ដោយ

លោក Sabihullah Mujahid អ្នកនាំពាក្យក្រុមសកម្មប្រយុទ្ធតាលីបង់បានប្រកាសនៅ ២៧ សីហា នេះថា ខ្លួននឹងហាមឃាត់រាល់ការលេងនិងស្ដាប់តន្ត្រីនៅទូទាំងប្រទេសអាហ្វហ្គានីស្ថាន ព្រោះវាមិនត្រឹមត្រូវតាមសាសនាឥស្លាមឡើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mujahid បានបន្ថែមថា ” តន្ត្រីត្រូវបានហាមឃាត់ សម្រាប់សាសនាឥស្លាម។ ប៉ុន្តែយើងសង្ឃឹមថា យើងនឹងបញ្ចុះបញ្ចូលមនុស្សកុំឲ្យស្ដាប់និងមិនលេងភ្លេង។ ជំនួសឲ្យការគាបសង្កត់មិនស្ដាប់និងលេង” ។

អ្នកនាំពាក្យតាលីបង់រូបនេះបានបន្តថា ខណៈពេលដែលឥឡូវនេះស្ត្រីត្រូវបានអនុញ្ញាតឲ្យត្រលប់ទៅធ្វើការ និងទៅសាលារៀន មន្ទីរពេទ្យ ប៉ុន្តែប្រសិនបើពួកគេធ្វើដំណើរច្រើនថ្ងៃ បុរសត្រូវទៅជាមួយដាច់ខាត។

លោក Mujahid បានបញ្ជាក់ជាថ្មីថា ក្រុមនេះនឹងអនុញ្ញាតឲ្យស្ត្រីវិលត្រឡប់មកធ្វើការវិញនៅពេលអនាគត ខណៈដែលពួកគេត្រូវពាក់ស្លៀកសំលៀកបំពាក់បិទជិត Burqa ។ ប៉ុន្តែអ្វីដែលមនុស្សជាច្រើនព្រួយបារម្ភនោះគឺថា តាលីបង់នឹងបង្ខំស្ត្រីឲ្យស្នាក់នៅក្នុងផ្ទះនិងបិទបាំងមុខរបស់ពួកគេ។ ដូចជានៅពេលដែលក្រុមនេះគ្រប់គ្រងប្រទេសពីឆ្នាំ ១៩៩៦-២០០១ ដែរ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ក្រុមតាលីបង់ ចេញល្បាត និងប្រហារជីវិតស្រ្តី ដែលមិនស្លៀកពាក់បិទជិត

ចុចអាន៖តាលីបង់ បញ្ជាក់ច្បាស់ៗពីស្ថានភាពក្រុមខ្លួនក្នុងការបំផ្ទុះគ្រាប់បែកនៅព្រលានយន្តហោះក្រុងកាប៊ុល