ព័ត៌មានអន្ដរជាតិ

Ronaldo រៀបរាប់ពីជីវិតនៅ Juventus ពេលផ្លាស់ទៅ Man United វិញ

បានផុស

៣ years មុន

នៅ

ថ្ងៃសៅរ៍ ២៨ សីហា ២០២១

ដោយ

តារាជើងស៊ុតជម្រើសជាតិព័រទុយហ្គាល់ Cristiano Ronaldo បានសម្រេចចាកចេញពីក្លឹប Juventus និងចូលរួមជាមួយក្លឹបបិសាចក្រហម Manchester United ជាផ្លូវការហើយ។

មុនចាកចេញ Ronaldo បានរៀបរាប់ថា ៖«ថ្ងៃនេះ ខ្ញុំចាកចេញពីក្លឹបដ៏អស្ចារ្យ ដែលធំជាងគេបំផុតនៅប្រទេសអ៉ីតាលី និងប្រាកដណាស់ថា ជាក្លឹបធំបំផុតមួយនៅទ្វីបអឺរ៉ុប។ ខ្ញុំបានផ្តល់បេះដូង និងព្រលឹងរបស់ខ្ញុំដល់ក្លឹប Juventus ហើយខ្ញុំតែងតែស្រឡាញ់ទីក្រុង Turin ជានិច្ចរហូតដល់ថ្ងៃចុងក្រោយរបស់ខ្ញុំ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«Tiffosi bianconeri តែងតែគោរពខ្ញុំ ហើយខ្ញុំបានព្យាយាមតបស្នងចំពោះការគោរពនេះតាមរយៈការប្រយុទ្ធនៅលើទីលាន រាល់រដូវកាល រាល់ព្រឹត្តិការណ៍។ នៅទីបញ្ចប់ យើងអាចក្រឡេកមើលក្រោយ និងយល់ឃើញថា យើងទទួលបានជោគជ័យដ៏អស្ចារ្យ ទោះជាមិនទទួលបានតាមអ្វីដែលយើងចង់ទាំងអស់ ប៉ុន្តែយើងនៅតែមានរឿងរ៉ាវដ៏ល្អអស្ចារ្យជាមួយគ្នា»។

«ខ្ញុំនឹងជាបុគ្គលរបស់អ្នកម្នាក់ជានិច្ច។ អ្នកឥឡូវជាផ្នែកមួយនៃប្រវត្តិរបស់ខ្ញុំ ព្រោះខ្ញុំមានអារម្មណ៍ថា ខ្ញុំជាផ្នែកមួយរបស់អ្នក។ ប្រទេសអ៉ីតាលី ក្លឹប Juve ទីក្រុង Turin, tiffosi bianconeri អ្នកនឹងនៅក្នុងបេះដូងរបស់ខ្ញុំជានិច្ច»។ Ronaldo បានរៀបរាប់។

នេះជាលើកទី២ហើយដែល Cristiano Ronaldo បានចូលរួមជាមួយក្លឹប Manchester United នៅទឹកដីអង់គ្លេស បន្ទាប់ពីចូលរួមលើកទី១កាលពីឆ្នាំ២០០៣ដល់ឆ្នាំ២០០៩មុនពេលផ្លាស់ទៅក្លឹបអធិរាជស Real Madrid ហើយឆ្នាំ២០១៨បន្តផ្លាស់ទៅក្លឹប Juventus មុនពេលត្រឡប់ចូល Manchester United វិញចាប់ពីពេលនេះទៅ៕