ព័ត៌មានអន្ដរជាតិ

អាមេរិកចាប់ផ្តើមប្រើយន្តហោះអត់មនុស្សជិះវាយប្រហារក្រុម Isis-K វិញហើយ

បានផុស

៣ years មុន

នៅ

ថ្ងៃសៅរ៍ ២៨ សីហា ២០២១

ដោយ

មន្ត្រីយោធាម្នាក់បាននិយាយថា សហរដ្ឋអាមេរិកបានចាប់ផ្តើមប្រើយន្តហោះអត់មនុស្សជិះ (ដ្រូន)វាយប្រហារលើក្រុមរដ្ឋឥស្លាមនិយម (IS) នៅភាគខាងកើតប្រទេសអាហ្វហ្គានីស្ថាន ដោយបានសម្លាប់សមាជិកក្រុមនេះ១នាក់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការវាយប្រហារមានគោលដៅលើក្រុមសកម្មប្រយុទ្ធ IS-K នៅខេត្ត Nangahar។ ក្រុម IS-K បាននិយាយថា ខ្លួនជាអ្នកធ្វើការវាយប្រហារនៅព្រលានយន្តហោះកាប៊ុលកាលពីល្ងាចថ្ងៃព្រហស្បតិ៍ដែលបានសម្លាប់មនុស្សជាច្រើនដែលរហូតដល់ពេលនេះជាង១៧០នាក់ ក្នុងនោះកងទ័ពអាមេរិក១៣នាក់ក៏បានស្លាប់ដែរ។

សហរដ្ឋអាមេរិកបាននិយាយថា ការចង្អុលបង្ហាញពីដំបូងបាននាំដល់ការវាយប្រហារលើគោលដៅក្រុម IS និងមិនមានជនស៊ីវិលណាម្នាក់រងគ្រោះថ្នាក់ទេ។

លោកប្រធានាធិបតីសហរដ្ឋអាមេរិក ចូ បៃដិន បានសន្យាកាលពីថ្ងៃសុក្រថា នឹងមិនលើកលែងឲ្យក្រុមដៃដល់ដែលបំផ្ទុះគ្រាប់បែកអត្តឃាតនៅព្រលានយន្តហោះកាប៊ុល ហើយនឹងតាមប្រមាញ់ជនដៃដល់ទាំងនោះ៕

ប្រែសម្រួល៖ វីរបុត្រ

ប្រភព៖ BBC