ហេតុផល២យ៉ាង មនុស្សអាចនឹងត្រូវចាក់វ៉ាក់សាំង បង្ការកូវីដ រាល់ឆ្នាំ

អស់រយៈពេលជាងមួយឆ្នាំមកហើយដែលជំងឺរាតត្បាតកូវីដ-១៩បានផ្ទុះឡើង។ វ៉ាក់សាំង ដែលមានសុវត្ថិភាពនិងប្រសិទ្ធភាពជាច្រើន ត្រូវបានបង្កើតនិងអនុញ្ញាតឲ្យប្រើប្រាស់នៅទូទាំងពិភពលោក។

វ៉ាក់សាំងរាប់លានដូស ត្រូវបានចាក់រួចទៅហើយ។ អ្វីដែលគេកំពុងចង់ដឹងនាពេលនេះគឺថា តើមនុស្សនឹងត្រូវចាក់វ៉ាក់សាំងការពារជំងឺកូវីដ -១៩ ជារៀងរាល់ឆ្នាំដែរឬទេ? តើទៅពេលអនាគត វ៉ាក់សាំងកូវីដ អាចត្រូវបានគេចាក់ញឹកញាប់ប៉ុនណាទៅ?

លោកជំទាវ ឱ វណ្ណឌីន បានលើកឡើងថា “នៅថ្ងៃខាងមុខ យើងមិនអាចមើលឃើញទេ យើងអាចនឹងត្រូវចាក់វ៉ាក់សាំងកូវីដ១៩ជាលក្ខណៈ Repeat Dose ឬហៅថាដូសរម្លឹក។ លោកជំទាវបន្តថា វាប្រៀបជំងឺផ្តាសាយអ៊ីចឹង ដូសរម្លឹកនេះគឺយើងអាចនឹងត្រូវចាក់រៀងរាល់ឆ្នាំ គឺមួយឆ្នាំចាក់ម្តង។

ចំណែកអ្នកវិទ្យាសាស្រ្តជាន់ខ្ពស់នៅអង្គការ Johns Hopkins Center for Health Security លោក Amesh A. Adalja បានឲ្យដឹងថា តម្រូវការសម្រាប់ការចាក់វ៉ាក់សាំងជារៀងរាល់ឆ្នាំ គឺត្រូវបានកំណត់ដោយកត្តាពីរយ៉ាង។ មួយគឺរយៈពេលនៃភាពស៊ាំ និងមួយទៀតគឺតម្រូវការដើម្បីធ្វើបច្ចុប្បន្នភាពរបស់វ៉ាក់សាំង ការពារវីរុសបំប្លែងខ្លួនថ្មីៗ។

នៅក្នុងការវិភាគរបស់ខ្ញុំ អនុសាសន៍សម្រាប់ការចាក់វ៉ាក់សាំង repeat dose ឬដូសរម្លឹកនឹងចាំបាច់ បើសិនជាការសិក្សាបង្ហាញថា អង់ទីគ័រនៅក្នុងខ្លួនរបស់មនុស្សធ្លាក់ចុះ ហើយត្រូវការវ៉ាក់សាំងបន្ថែមដើម្បីរក្សាកម្រិតអង់ទីគ័រឲ្យនៅដដែល។

លើសពីនេះទៀត ដោយសារការលេចចេញនូវវីរុសបំប្លែងខ្លួនថ្មីៗ ក្រុមហ៊ុននានាកំពុងធ្វើបច្ចុប្បន្នភាពវ៉ាក់សាំងដែលមានស្រាប់៕

ប្រែសម្រួល៖ Vann Vann

ប្រភព៖ Healio

ចុចអាន៖ ឈប់បារម្ភ! វ៉ាក់សាំងស៊ីណូវ៉ាក់ គ្មានផលប៉ះពាល់ចំពោះមនុស្សវ័យចំណាស់ទេ