ព័ត៌មានអន្ដរជាតិ

បុរសជើងចាស់មួយក្រុមចេញមុខចរចាជាមួយតាលីបង់ដើម្បីបង្កើតរដ្ឋាភិបាលថ្មី

បានផុស

៤ years មុន

នៅ

ថ្ងៃចន្ទ ៣០ សីហា ២០២១

ដោយ

អ្នកដឹកនាំអាហ្វហ្គានីស្ថានជើងចាស់មួយក្រុមរាប់ទាំងបុរសខ្លាំងពីរនាក់ប្រចាំតំបន់កំពុងសម្លឹងរកការពិភាក្សាជាមួយក្រុមតាលីបង់ និងគ្រោងជួបគ្នាក្នុងសប្តាហ៍ខាងមុខនេះដើម្បីបង្កើតរណសិរ្សថ្មីមួយសម្រាប់ចរចារជាមួយក្រុមតាលីបង់ជុំវិញការបង្កើតរដ្ឋាភិបាលថ្មីរបស់ប្រទេស។ នេះបើតាមសមាជិកក្រុមម្នាក់បាននិយាយ។

លោក Khalid Noor កូនប្រុសរបស់លោក Atta Mohammad Noor អតីអភិបាលខេត្ត Balkh ដ៏ល្បីម្នាក់នៅអាហ្វហ្គានីស្ថាន បានឲ្យដឹងថា ក្រុមនេះមានមេដឹកនាំជនជាតិភាគតិច Uzbek លោក Abdul Rashid Dostum និងអ្នកផ្សេងទៀតដែលប្រឆាំងនឹងការកាន់កាប់របស់តាលីបង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Noor អាយុ២៧ឆ្នាំបានប្រាប់ Reuters ក្នុងបទសម្ភាសដែលប្រាប់បង្ហាញទីតាំងថា ៖«ជារួមយើងចូលចិត្តចរចា ពីព្រោះវាមិនមែនមានន័យថា បញ្ហានៅអាហ្វហ្គានីស្ថាននឹងត្រូវបានដោះស្រាយដោយយើងម្នាក់ឯងនោះទេ»។

«ដូច្នេះ វាសំខាន់ណាស់សម្រាប់សហគមន៍នយោបាយទាំងអស់របស់ប្រទេសដើម្បីដោះស្រាយ ជាពិសេសមេដឹកនាំចាស់ៗ អ្នកមានអំណាច អ្នកទទួលបានការគាំទ្រពីសាធារណៈជន»។

លោក Atta Mohammad Noor និង Abdul Rashid Dostum អតីតយុទ្ធជននៃជម្លោះ៤ទសវត្សរ៍នៅអាហ្វហ្គានីស្ថាន ដែលអ្នកទាំងពីរបានភៀសខ្លួនពីប្រទេសនៅពេលទីក្រុង Mazar-i Sharif បានធ្លាក់ទៅកណ្តាប់ដៃតាលីបង់ដោយគ្នានការប្រយុទ្ធគ្នាសោះ។

រដ្ឋាភិបាល និងកម្លាំងយោធាដែលគាំទ្រដោយសហរដ្ឋអាមេរិកបានឈប់គ្រប់កន្លែងនៅពេលក្រុមតាលីបង់បានចូលដណ្តើមកាន់កាប់រដ្ឋធានីកាប៊ុលកាលពីថ្ងៃទី១៥ ខែសីហា។

ទោះបីជាយ៉ាងណា ការពិភាក្សានៅពីក្រោយគឺជាសញ្ញាមួយនៃបុរសៗជើងចាស់របស់ប្រទេសនឹងវិលត្រឡប់មកវិញ បន្ទាប់ពីយុទ្ធការណ៍យោធាគួរឲ្យភ្ញាក់ផ្អើលរបស់ក្រុមតាលីបង់។

អ្នកវិភាគភាគច្រើនបាននិយាយថា វានឹងក្លាយជាការប្រឈមសម្រាប់អង្គភាពណាមួយដើម្បីគ្រប់គ្រងអាហ្វហ្គានីស្ថានរយៈពេលយូរដោយគ្មានការស្រុះស្រួលគ្នារវាងក្រុមជនជាតិភាគតិច។

មិនដូចកាលកាន់អំណាចមុនពេលឆ្នាំ២០០១ ក្រុមតាលីបង់ Pakhtun ដ៏ខ្លាំងបានស្វែងរកការគាំទ្រពីក្រុមជនជាតិភាគតិច Tajiks, Uzbeks និងជនជាតិភាគតិចផ្សេងៗទៀតខណៈពេលពួកគេបានត្រៀមការវាយប្រហារកាលពីខែមុន។

លោក Noor មានប្រសាសន៍ដោយសំអាងទៅលើការមិនរាប់បញ្ចូលរបស់របបតាលីបង់លើក្រុមជនជាតិភាគតិចថា ៖«តាលីបង់នៅត្រង់នេះពិតជាក្រអឺតក្រទមខ្លាំងណាស់ ពីព្រោះពួកគេទើបតែឈ្នះសង្គ្រាម។ ប៉ុន្តែអ្វីដែលយើងចង់គឺថា ពួកគេដឹងពីហានិភ័យនៃការគ្រប់គ្រងដែលពួកគេធ្លាប់ជួបកាលលើកមុន»។

លោក Noor ជាសមាជិកក្មេងបំផុតម្នាក់នៃក្រុមរបស់រដ្ឋាភិបាលអាហ្វហ្គានីស្ថានដែលធ្លាប់បានពិភាក្សាជាមួយតាលីបង់នៅកាតារបាននិយាយថា ៖«ការចុះចាញ់មិនមែនជាបញ្ហាសម្រាប់យើងទេ»។

ទោះជាយ៉ាងណា កាលពីថ្ងៃសៅរ៍ តាលីបង់បានឲ្យដឹងពីផែនការបង្កើតរដ្ឋាភិបាលថ្មីហើយ។ អ្នកនាំពាក្យតាលីបង់ Zabihullah Mujahid ជាបុគ្គលសំខាន់មួយរូបបាននិយាយថា មន្ត្រីត្រូវបានតែងតាំងរួចរាល់ហើយដើម្បីឲ្យដឹកនាំស្ថាប័នសំខាន់ដូចជា ក្រសួងសុខាភិបាល ក្រសួងអប់រំ និងធនាគារកណ្តាលជាដើម៕

ប្រែសម្រួល៖ វីរបុត្រ
ប្រភព៖ Reuters