ព័ត៌មានអន្ដរជាតិ

រដ្ឋមន្ត្រីការបរទេសចិនប្រាប់ទូតកំពូលអាមេរិកឲ្យអន្តរជាតិណែនាំតាលីបង់ដោយវិជ្ជមាន

បានផុស

៤ years មុន

នៅ

ថ្ងៃចន្ទ ៣០ សីហា ២០២១

ដោយ

ទីប្រឹក្សារដ្ឋ និងជារដ្ឋមន្ត្រីក្រសួងការបរទេសចិនលោក Wang Yi បានប្រាប់រដ្ឋមន្ត្រីក្រសួងការបរទេសសហរដ្ឋអាសមេរិកលោក Antony Blinken តាមទូរសព្ទកាលពីថ្ងៃអាទិត្យម្សិលមិញថា សហគមន៍អន្តរជាតិគួរលើកទឹកចិត្តមេដឹកនាំតាលីបង់ថ្មីរបស់ប្រទេសអាហ្វហ្គានីស្ថាន និងណែនាំពួកគេក្នុងផ្លូវវិជ្ជមាន។ ក្រសួងការបរទេសចិនបាននិយាយ។

យោងតាមសេចក្តីប្រកាស លោក Wang បានលើកឡើងថា រដ្ឋាភិបាលក្រុងវ៉ាក់ស៊ីនតោនគួរធ្វើការជាមួយសហគមន៍អន្តរជាតិដើម្បីផ្តល់ជំនួញសេដ្ឋកិច្ច និងមនុស្សធម៌ដល់អាហ្វហ្គានីស្ថាន ជួយរបបថ្មីឲ្យដំណើរការមុខងាររដ្ឋាភិបាលធម្មតា រក្សាស្ថេរភាពសង្គម និងបញ្ឈប់រូបិយប័ណ្ណពីការធ្លាក់ថ្លៃ និងបង្កើនតម្លៃនៃការរស់នៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ខណៈគោរពអធិបតេយ្យភាពអាហ្វហ្គានីស្ថាន សហរដ្ឋអាមេរិកគួរចាត់វិធានការជាក់ស្តែងដើម្បីជួយអាហ្វហ្គានីស្ថានប្រយុទ្ធនឹងភេរវកម្ម និងបញ្ឈប់ហិង្សា ជាជាងលេងស្តង់ដារពីរ ឬប្រយុទ្ធនឹងភេរវកម្មដោយការជ្រើសរើស»។ លោក Wang មានប្រសាសន៍ដោយព្រលានថា «ការដកកងទ័ពចេញយ៉ាងលឿនអាចបណ្តាលឲ្យក្រុមភេរវករប្រមូលផ្តុំគ្នា និងវិលមកវិញកាន់តែខ្លាំង»។

តាមការផ្សាយរបស់ទូរទស្សន៍រដ្ឋចិនថា ការតេទូរសព្ទត្រូវបានធ្វើឡើងតាមការអញ្ជើញរបស់ក្រុងវ៉ាស៊ីនតោន។

អ្នកនាំពាក្យក្រសួងការបរទេសអាមេរិកលោក Ned Price មានប្រសាសន៍ក្នុងសេចក្តីថ្លែងការណ៍មួយថា លោករដ្ឋមន្ត្រី Blinken និងលោក Wang បានឆ្លងឆ្លើយគ្នាអំពី«សារៈសំខាន់នៃសហគមន៍អន្តរជាតិដែលធ្វើឲ្យតាលីបង់ទទួលខុសត្រូវចំពោះចំពោះការប្តេជ្ញាចិត្តសង្គមដែលពួកគេត្រូវផ្តល់ឲ្យការឆ្លងកាត់ដោយសុវត្ថិភាព និងសេរីភាពសម្រាប់ការធ្វើដំណើរដល់ជនជាតិអាហ្វហ្គានីស្ថាន និងជនបរទេស»៕