ព័ត៌មានអន្ដរជាតិ
តាលីបង់ រិះគន់ការវាយប្រហារតាមអាកាសរបស់ អាមេរិក នៅ អាហ្វហ្គានីស្ថាន
លោក Abdulhaq Wasiq សមាជិកការិយាល័យនយោបាយរបស់តាលីបង់បាននិយាយថា ការវាយប្រហារដោយយន្តហោះដ្រូនរបស់សហរដ្ឋអាមេរិក គឺប្រឆាំងនឹងកិច្ចព្រមព្រៀងទីក្រុងដូហា ។ នេះបើយោងតាមទូរទស្សន៍ព័ត៌មាន Tolo News ។

លោក Wasiq បាននិយាយថា សហរដ្ឋអាមេរិកកំពុងនិយាយបំផ្លើស អំពីវត្តមានរបស់ក្រុមរដ្ឋឥស្លាមនៅអាហ្វហ្គានីស្ថាន។
លោកបានបន្ថែមថា “យើងបានចុះកិច្ចព្រមព្រៀងជាមួយជនជាតិអាមេរិកនៅទីក្រុងដូហា ទាក់ទងនឹងរឿងនេះ ហើយការវាយប្រហារគឺប្រឆាំងនឹងកិច្ចព្រមព្រៀង ខណៈកិច្ចព្រមព្រៀងនោះមិនអនុញ្ញាតឲ្យពួកគេ ជ្រៀតជ្រែកក្នុងកិច្ចការអាហ្វហ្គានីស្ថានឡើយ បន្ទាប់ពីការដកខ្លួនចេញ” ។

ទន្ទឹមនោះ បញ្ជាការកណ្តាលអាមេរិកបាននិយាយកាលពីថ្ងៃអាទិត្យថា កម្លាំងយោធាអាមេរិកបានធ្វើការវាយប្រហារតាមអាកាសនៅទីក្រុងកាប៊ុល ប្រឆាំងនឹងយានយន្តដែលសង្ស័យថាជារបស់ក្រុម ISIS-K ដែលអាចបង្កការគំរាមកំហែងដល់អាកាសយានដ្ឋាន ។
លោក Bill Urban អ្នកនាំពាក្យបញ្ជាការកណ្តាលអាមេរិក បាននិយាយនៅក្នុងសេចក្តីថ្លែងការណ៍មួយថា “កងកម្លាំងយោធាអាមេរិកបានធ្វើការវាយប្រហារតាមអាកាស ដោយយន្តហោះដ្រូនលើយានយន្តមួយគ្រឿងនៅទីក្រុងកាប៊ុល ដើម្បីកម្ចាត់ក្រុម ISIS-K មុនទៅដល់ព្រលានយន្តហោះ ។

នេះគឺជាការវាយប្រហារតាមអាកាសលើកទី ២ របស់យោធាអាមេរិកនៅអាហ្វហ្គានីស្ថាន ចាប់តាំងពីការបំផ្ទុះគ្រាប់បែកអត្តឃាតនៅខាងក្រៅអាកាសយានដ្ឋានក្រុងកាប៊ុលកាលពីថ្ងៃព្រហស្បតិ៍ ដោយបានសម្លាប់សមាជិកសេវាកម្មអាមេរិក ១៣ នាក់ និងជនជាតិអាហ្វហ្គានីស្ថាន ១៧០ នាក់ ។
ក្រុម ISIS-K បានអះអាងទទួលខុសត្រូវចំពោះការវាយប្រហារនេះ ខណៈប្រធានាធិបតីអាមេរិកលោក Joe Biden បានព្រមានកាលពីថ្ងៃសៅរ៍ថា ការវាយប្រហារភេរវកម្មមួយទៀតប្រឆាំងនឹងអាកាសយានដ្ឋានទីក្រុងកាប៊ុលអាចនឹងមានខ្ពស់ ក្នុងរយៈពេល ២៤ ទៅ ៣៦ ម៉ោងខាងមុខនេះ ៕

ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ តាលីបង់ ថា មិនចាំបាច់បង្កើត “តំបន់សុវត្ថិភាព” នៅក្រុងកាប៊ុលឡើយ អាហ្វហ្គានីស្ថានឯករាជ្យហើយ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ