ពិធីករអាហ្វហ្គានីស្ថាន អានព័ត៌មានទាំងព្រលឹងចុងសក់ ខណៈក្រុមតាលីបង់ឈរកាន់កាំភ្លើងនៅខាងក្រោយ ទាមទារឲ្យនិយាយសរសើរ (មានវីដេអូ)

វីដេអូឃ្លីបមួយ បានបង្ហាញពីពិធីករទូរទស្សន៍អាហ្វហ្គានីស្ថានម្នាក់ កំពុងអានព័ត៌មានទាំងភ័យរន្ធត់ ព្រោះគាត់ត្រូវក្រុមតាលីបង់ប្រដាប់ដោយអាវុធ ឈរនៅពីក្រោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឃ្លីបនេះ ត្រូវបានចែករំលែកតាមអ៊ីនធើណិត បន្ទាប់ពីពួកសកម្មប្រយុទ្ធបានសម្រុកចូលស្ថានីយ៍ទូរទស្សន៍ហើយទាមទារឲ្យពិធីករ និយាយសរសើរក្រុមតាលីបង់។

លោក Yalda Hakim របស់ BBC បានបង្ហោះវីដេអូឃ្លីបនេះលើ Twitter កាលពីរសៀលថ្ងៃអាទិត្យហើយបានសរសេរថា “ទូរទស្សន៍អាហ្វហ្គានីស្ថាន ពិតជាអស្ចារ្យមែន។ នេះគឺជាប្រភេ​ទនៃការជជែកវែកញែកផ្នែកនយោបាយ នាពេលបច្ចុប្បន្នលើទូរទស្សន៍អាហ្វហ្គានីស្ថាន”។

ពិធីករ បានលើកឡើងអំពីការដួលរលំនៃរដ្ឋាភិបាលរបស់លោក Ghani ហើយថា ចក្រភពឥស្លាមនិយាយថា ប្រជាជនអាហ្វហ្គានីស្ថានមិនគួរភ័យខ្លាច អាហ្វហ្គានីស្ថាន ឡើយ។

នៅក្នុងឃ្លីបរយៈពេល ៤២ វិនាទីដែលត្រូវបានគេមើលជាង ១ លានដង, ពិធីករព័ត៌មានត្រូវបានឡោមព័ទ្ធដោយបុរសប្រដាប់អាវុធចំនួន ៨ នាក់ ដែលហាក់ដូចជាកំពុងយាមគាត់នៅពេលគាត់កំពុងអានព័ត៌មាន។

យោងតាមសារព័ត៌មាន WIO News បានឲ្យដឹងថា ពិធីករបានធ្វើការជជែកវែកញែកជាមួយពួកសកម្មប្រយុទ្ធនេះ ខណៈពេលកំពុងផ្សាយផ្ទាល់។

ក្នុងអំឡុងពេលនៃកម្មវិធី Pardaz នោះ ពិធីកររូបនេះ ក៏បានប្រាប់ប្រជាជនឲ្យសហការជាមួយក្រុមតាលីបង់ផងដែរ៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ រុស្ស៊ី សង្ឃឹមថា អាវុធដែល អាមេរិក ទុកនៅ អាហ្វហ្គានីស្ថាន នឹងមិនត្រូវប្រើក្នុងសង្គ្រាមស៊ីវិល