ព័ត៌មានអន្ដរជាតិ

បែកធ្លាយរបាយការណ៍៖ អាមេរិកនៅបើកចំហច្រកព្រលានកាប៊ុលមុនពេលការវាយប្រហារ

បានផុស

៤ years មុន

នៅ

ថ្ងៃអង្គារ ៣១ សីហា ២០២១

ដោយ

ទ្វារចូលនៅព្រលានយន្តហោះកាប៊ុលនៅតែបើកចំហដោយមេបញ្ជាការអាមេរិកដើម្បីអនុញ្ញាតឲ្យចក្រភពអង់គ្លេសបន្តជម្លៀសពលរដ្ឋរបស់ខ្លួន បើទោះជាមានការព្រមាននៃការវាយប្រហារជិតមកដល់។ នេះបើយោងតាមរបាយការណ៍អាមេរិកដែលលេចធ្លាយ។

យោងតាមកំណត់សំគាល់នៃការពិភាក្សាតាមវីដេអូក្នុងចំណោមឥស្សរជនយោធាជាន់ខ្ពស់ប្រហែលជា២៤ម៉ោងមុនពេលការវាយប្រហារដែលសារព័ត៌មាន Politico ទទួលបានថា កម្លាំងអាមេរិកគ្រោងបិទច្រក Abbey នៅរសៀលថ្ងៃព្រហស្បតិ៍ ពីព្រោះវាត្រូវបានចោទមានហានិភ័យខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា លោក Peter Vasely មេបញ្ជាការយោធាអាមេរិកនៅអាហ្វហ្គានីស្ថានបាននិយាយថា ខ្លួននៅបន្តបើកចំហយូរទៀតដើម្បីទុកឲ្យកម្លាំងទ័ពចក្រភពអង់គ្លេសបង្កើនការជម្លៀសពលរដ្ឋរបស់ខ្លួនដែលត្រូវចេញពីសណ្ឋាគារ Baron ដែលមានមានពលរដ្ឋអាហ្វហ្គានីស្ថាន និងអង់គ្លេសត្រូវចាកចេញមុនពេលចម្លៀសចេញ។

ក្រោយមកនៅល្ងាចថ្ងៃព្រហស្បតិ៍នោះ ការបំផ្ទុះគ្រាប់បែកអត្តឃាត និងការវាយប្រហារដោយបាញ់កាំភ្លើងបានកើតមាននៅច្រក Abbey ដែលបណ្តាលឲ្យមនុស្សហោចណាស់១៧០នាក់ត្រូវបានស្លាប់ និងកងកម្លាំងអាមេរិក១៣នាក់ក៏បានស្លាប់ដែរ។

មន្ទីរបញ្ចកោណបានរិះគន់ចំពោះការលេចធ្លាយនៃវីដេអូលំអិតដែលខាង Politico ទទួលបានដោយបានប្រាប់វិបសាយព័ត៌មាននេះថា ៖«រឿងនេះគឺជាការលាតត្រដាងខុសច្បាប់នៃព័ត៌មានចាត់ចំណាត់ថ្នាក់ និងកិច្ចការផ្ទៃក្នុងដ៏រសើប»។

«ដរាបណាយើងដឹងពីអ្វីដែលប្រាប់ទៅអ្នកសារព័ត៌មាន យើងទាក់ទងនឹង Politico ស្ថិតនៅក្នុងកម្រិតខ្ពស់បំផុតដើម្បីរារាំងការចេញផ្សាយព័ត៌មានដែលដាក់កម្លាំងទ័ព និងប្រតិបត្តិការរបស់យើងនៅព្រលានយន្តហោះមានហានិភ័យខ្លាំងបំផុត។ យើងថ្កោលទោសចំពោះការបញ្ចេញខុសច្បាប់នៃព័ត៌មានចាត់ចំណាត់ថ្នាក់ និងគោលបំណងនៃការចេញផ្សាយរឿងនេះ ខណៈប្រតិបត្តិការគ្រោះថ្នាក់កំពុងបន្ត»។

លោក Musa Popal អាយុ៦០ឆ្នាំជាម្ចាស់ហាងមកពីក្រុងឡុងដ័ និងលោក Mohamed Niazi អាយុ២៩ឆ្នាំជាអ្នកបើករថយន្តឈ្នះមកពីក្រុង Hampshire ស្ថិតក្នុងចំណោមជនរងគ្រោះដែលត្រូវបានសម្លាប់ បន្ទាប់ពីភេរវករម្នាក់ពាក់អាចកាក់គ្រាប់បែកដើរចូលទៅក្នុងហ្វូងមនុស្សនៅច្រកនោះ៕

ប្រែសម្រួល៖ វីរបុត្រ
ប្រភព៖ theguardian