ទស្សនាវីដេអូ ប្រជាជនអាហ្វហ្គានីស្ថាន ក្រីក្រ រាប់ពាន់នាក់ ដើរកាត់វាលខ្សាច់តាមជ្រលងភ្នំ ភៀសខ្លួនចេញពីប្រទេស

វីដេអូថ្មីមួយ បានបង្ហាញពី ទំហំពិតប្រាកដនៃការរត់ភៀសខ្លួន របស់ជនជាតិអាហ្វហ្គានីស្ថាន ខ្លួនចេញពីប្រទេសរបស់ពួកគេ ឆ្ពោះទៅកាន់ភាគខាងលិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈុតឆាកនៃការភៀសខ្លួនទ្រង់ទ្រាយធំ ឆ្លងកាត់វាលខ្សាច់ដែលជាចំណុចប្រសព្វនៃព្រំដែនរវាងប្រទេសអាហ្វហ្គានីស្ថាន ប៉ាគីស្ថាននិងអ៊ីរ៉ង់ បានបង្ហាញជួរមនុស្សដាច់កន្ទុយភ្នែក ធ្វើដំណើរតាមចន្លោះជួរភ្នំ។

សម្រាប់បុរស ស្ត្រីនិងកុមារទាំងនេះ ទិសដៅដំបូងរបស់ពួកគេទំនងជាប្រទេសទួរគីដែលស្ថិតនៅចម្ងាយជាង ១,៦០០ គីឡូម៉ែត្រពីប្រទេសអ៊ីរ៉ង់ ហើយពីទីនោះ ពួកគេភាគច្រើនសង្ឃឹមថានឹងទៅអឺរ៉ុបនិងអង់គ្លេស។

ជនភៀសខ្លួនម្នាក់ដែលទើបតែធ្វើដំណើរដូចគ្នានេះ បាននិយាយថា “ទាំងនេះគឺជាប្រជាជនក្រីក្រតោកយ៉ាក ពីព្រោះមានវិធីផ្សេងទៀតដែលពួកគេអាចជ្រើសរើសក្រៅពីការដើរបែបនេះ​ ប៉ុន្តែផ្លូវទាំងនោះត្រូវចំណាយប្រាក់ច្រើន”។

គួរបញ្ជាក់ថា ដំណើររបស់ជនជាតិអាហ្វហ្គានីស្ថានទាំងនេះ បានចាប់ផ្តើមនៅ Nimruz ដែលជាខេត្តមានប្រជាជនតិចបំផុតរបស់អាហ្វហ្គានីស្ថាន ហើយភាគច្រើនគ្របដណ្តប់ដោយវាលខ្សាច់និងភ្នំ៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពិធីករអាហ្វហ្គានីស្ថាន អានព័ត៌មានទាំងព្រលឹងចុងសក់ ខណៈក្រុមតាលីបង់ឈរកាន់កាំភ្លើងនៅខាងក្រោយ ទាមទារឲ្យនិយាយសរសើរ (មានវីដេអូ)