ព័ត៌មានអន្ដរជាតិ

អ្នកជំងឺដែលផ្ទុកវីរុសកូវីដក្នុងសួតកាន់តែខ្ពស់ អាចបណ្ដាលឲ្យស្លាប់ងាយឬដោយមិនដឹងខ្លួន

បានផុស

៣ years មុន

នៅ

ថ្ងៃពុធ ១ កញ្ញា ២០២១

ដោយ

ការស្រាវជ្រាវថ្មីមួយបានបង្ហាញថា ចំនួនវីរុសកូវីដ ១៩ កាន់តែខ្ពស់នៅក្នុងសួត គឺជាការរួមចំណែកយ៉ាងសំខាន់ ដល់ការស្លាប់ងាយឬអាចបណ្ដាលឲ្យស្លាប់មិនដឹងខ្លួនរបស់អ្នកជំងឺកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរកឃើញនេះគឺដូចនឹងទ្រឹស្តីមុនៗ ដែលថា ការឆ្លងមេរោគដំណាលគ្នាដូចជាជំងឺរលាកសួត ឬការធ្វើឲ្យប្រព័ន្ធការពាររាងកាយមានប្រតិកម្មខ្លាំង គឺជាកត្តាសំខាន់ក្នុងការស្លាប់របស់អ្នកឈឺដោយកូវីដ ។

ដើម្បីឈានដល់ការសន្និដ្ឋាននេះ ក្រុមអ្នកស៊ើបអង្កេតបានវិភាគសំណាកបាក់តេរីនិងផ្សិតពីសួតរបស់អ្នកជំងឺកូវីដ ចំនួន ៥៨៩ នាក់ កំពុងសម្រាកព្យាបាលនៅមន្ទីរពេទ្យ ដែលមានជំងឺធ្ងន់ធ្ងរ និងត្រូវការដកដង្ហើមចេញចូលតាមម៉ាស៊ីន។

ជាមធ្យមអ្នកជំងឺដែលស្លាប់មានចំនួនវីរុស ១០ ដងនៅក្នុងផ្លូវដង្ហើម ទាបជាងអ្នកដែលរួចជីវិតពីជំងឺរបស់ពួកគេ។

អ្នកនិពន្ធ Imran Sulaiman ជាសាស្ត្រាចារ្យជំនួយនៅផ្នែកវេជ្ជសាស្ត្ររបស់ NYU Langone Health បាននិយាយថា “ការរកឃើញរបស់យើងបង្ហាញថា ការបរាជ័យរបស់រាងកាយក្នុងការទប់ទល់នឹងមេរោគមួយចំនួនធំ ដែលចូលក្នុងសួត គឺភាគច្រើនទទួលខុសត្រូវចំពោះការស្លាប់របស់កូវីដនៅក្នុងរោគរាតត្បាតនេះ” ។

ទោះយ៉ាងណា មិនមានភស្តុតាងនៃការឆ្លងមេរោគបាក់តេរីបន្ទាប់បន្សំ ដែលជាមូលហេតុនៃការស្លាប់នោះទេ។ ប៉ុន្តែនេះអាចបណ្ដាលមកពីអ្នកជំងឺ បានទទួលថ្នាំអង់ទីប៊ីយ៉ូទីកច្រើន។ ការសិក្សានេះបានរាប់បញ្ចូលតែអ្នកជំងឺដែលបានរួចជីវិត ពីការសម្រាកព្យាបាលនៅមន្ទីរពេទ្យរយៈពេលពីរសប្ដាហ៍ដំបូង ដូច្នេះវាអាចទៅរួចដែលការឆ្លងមេរោគបាក់តេរី ឬប្រតិកម្មអូតូអ៊ុយមីន អាចដើរតួសំខាន់ក្នុងការស្លាប់របស់អ្នកជំងឺកូវីដ ១៩៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖មកដឹងពីពាក្យចចាមអារ៉ាមជុំវិញវ៉ាក់សាំងកូវីដ ខុសពីការពិតទាំងស្រុង

ចុចអាន៖ប្រកាន់គោលការណ៍ ៣ ធំៗនេះ ធានាថាដូសទីប៉ុន្មានក៏ដោយ សុទ្ធតែមានប្រសិទ្ធភាពខ្លាំងក្លា

Related Topics:សួត