ព័ត៌មានអន្ដរជាតិ
ពេលនេះ ក្រុមតាលីបង់ មានកងកម្លាំងដែនអាកាស ខ្លាំងជាងសមាជិក អង្គការណាតូ ដល់ទៅ ១០ប្រទេសឯណោះ
ក្រុមតាលីបង់ ពេលនេះទទួលបានកម្លាំងកងទ័ពអាកាសដែលមានតម្លៃរាប់សិបលានផោន រួមទាំងឧទ្ធម្ភាគចក្រដែលទិញដោយអាមេរិក និងយន្តហោះវាយប្រហារផងដែរ។ វាបានផ្តល់ឲ្យពួកគេនូវអំណាចដែនអាកាស ខ្លាំងជាងសមាជិកអង្គការណាតូមួយចំនួនទៅទៀត។

ក្នុងរយៈពេលប៉ុន្មានខែចុងក្រោយ ក្រុមជីហាដនេះ បានដណ្តើមយកអាកាសយានដ្ឋានធំៗ ចំនួន១០ ចាប់ពីទីក្រុង Bagram ទៅដល់ Mazar-i-Sharif ហើយថ្ងៃនេះ បានបង្អួតឧទ្ធម្ភាគចក្រ Black Hawk តម្លៃ៦លានដុល្លារ ដើម្បីត្រៀមប្រយុទ្ធប្រឆាំងចលនាតស៊ូនៅជ្រលងភ្នំ Panjshir។
មេបញ្ជាការក្រុមតាលីបង់ ត្រូវបានគេរាយការណ៍ថា បានបញ្ជាឲ្យកងទ័ពរបស់ពួកគេតាមប្រមាញ់អ្នកបើកយន្តហោះពីកងទ័ពអាកាសអាហ្វហ្គានីស្ថាន ដែលទទួលបានការបណ្តុះបណ្តាលពិសេសពីអាមេរិកនិងសម្ព័ន្ធមិត្តរបស់ខ្លួន ឲ្យមកបញ្ជាយន្តហោះចម្បាំងនិងបច្ចេកវិទ្យាទំនើប។

បើគ្មានអាកាសយានិកទេ ការហោះហើរយន្តហោះទំនើបបែបនេះគឺមិនអាចទៅរួចឡើយ សម្រាប់ក្រុមតាលីបង់។
អាកាសយានដ្ឋានអន្តរជាតិ Hamid Karzai នៅទីក្រុងកាប៊ុល ត្រូវបានរឹបអូសកាលពីថ្ងៃអង្គារដោយពួកជីហាដ។

យោងតាមការត្រួតពិនិត្យរបស់រដ្ឋាភិបាលអាមេរិកកាលពីថ្ងៃទី៣០ខែមិថុនាបានបង្ហាញថា កងទ័ពអាកាសអាហ្វហ្គានីស្ថានកំពុងប្រតិបត្តិការយន្តហោះចំនួន ១៦៧គ្រឿង ក្នុងនោះមានឧទ្ធម្ភាគចក្រ ១០៨ គ្រឿងនិងយន្តហោះ ៥៩ គ្រឿង។
មុនពេលទីក្រុងកាប៊ុលដួលរលំ ប្រទេសអ៊ូសបេគីស្ថានបានបញ្ជាក់ថា យន្តហោះអាហ្វហ្គានីស្ថានចំនួន ៤៦ គ្រឿងរួមទាំងឧទ្ធម្ភាគចក្រចំនួន ២៤ គ្រឿងផងដែរ បានមកដល់ប្រទេសនេះ ដើម្បីការពារកុំឲ្យធ្លាក់ដល់ដៃក្រុមតាលីបង់។

ទោះបីជាយ៉ាងណាក៏ដោយ ប្រសិនយន្តហោះប្រតិបត្តិការដែលអាមេរិកបន្សល់ទុកទាំងអស់ សុទ្ធតែប្រើការបានមែននោះ វានឹងផ្តល់ឲ្យក្រុមឥស្លាមនិយមនេះនូវអំណាចដែនអាកាសខ្លាំងជាងប្រទេសចំនួន ១០ ក្នុងចំណោមសមាជិកណាតូទាំង ៣០ ដូចជាអាល់បានី បូស្នៀ អេស្តូនី អ៊ីស្លង់ ឡាតវី លីទុយអានី លុចសំបួ ម៉ុងតេណេក្រូ ម៉ាសេដូនីខាងជើងនិងស្លូវេនី៕
ប្រែសម្រួល៖ Vann Vann
ប្រភព៖ Daily Mail

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?