ព័ត៌មានអន្ដរជាតិ

Baiya វ៉ាក់សាំងកូវីដទី៤ ដែលផលិតនៅថៃ ចាប់ផ្ដើមសាកល្បងលើមនុស្សលើកទី ១ នៅខែនេះ

បានផុស

៤ years មុន

នៅ

ថ្ងៃសុក្រ ៣ កញ្ញា ២០២១

ដោយ

សាង ស្រីល័ក្ខ

Baiya Phytopharm មួយក្នុងចំណោម ៤ នៃវ៉ាក់សាំងកូវីដផលិតនៅប្រទេសថៃ នឹងបើកដំណើរការសាកល្បងលើមនុស្សលើកដំបូងរបស់ខ្លួននៅខែនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Waranyu Pooncharoen សហស្ថាបនិកនិងជាប្រធានផ្នែកបច្ចេកវិទ្យារបស់ក្រុមហ៊ុនបាននិយាយថា វ៉ាក់សាំង Baiya នឹងត្រូវធ្វើតេស្តលើអ្នកស្ម័គ្រចិត្តនៅពេលដែលរដ្ឋបាលចំណីអាហារនិងឱសថ (FDA) ផ្ដល់ភ្លើងខៀវ។

លោកស្រីបានបន្ថែមថា ប្រសិនបើលទ្ធផលនៃការសាកល្បងមនុស្សបំពេញតាមការរំពឹងទុក ការផលិតវ៉ាក់សាំងអាចចាប់ផ្ដើមនៅពាក់កណ្ដាលឆ្នាំ ២០២២ ។

វ៉ាក់សាំង Baiya ផ្សំពីថ្នាំជក់ ដែលបង្កើតឡើងដោយហ្សែន ដើម្បីបង្កឲ្យមានការឆ្លើយតបនៃប្រព័ន្ធភាពស៊ាំប្រឆាំងនឹងកូវីដ១៩ ។

ក្រុមហ៊ុនមានគម្រោងផលិតវ៉ាក់សាំងនៅរោងចក្រផលិតវ៉ាក់សាំង ដែលមានមូលដ្ឋាននៅអាស៊ីដំបូងគេ ដែលមានទីតាំងនៅសាកលវិទ្យាល័យជូឡាឡុងកន (Chulalongkorn)។

លោកស្រីWaranyu ក៏បានបង្ហាញផងដែរថា Baiya Phytopharm អាចកែសម្រួលរូបមន្តសម្រាប់វ៉ាក់សាំងការពារជំនាន់ទី ២ របស់ខ្លួន ដើម្បីប្រយុទ្ធប្រឆាំងនឹងវីរុសបំប្លែងខ្លួន ដែលកំពុងរាតត្បាតដូចជា Delta ដែលជាសំពាធលេចធ្លោនៅក្នុងប្រទេសថៃ។ ទោះយ៉ាងណាក៏ដោយ ក្រុមហ៊ុននឹងពិនិត្យមើលលទ្ធផលនៃការសាកល្បងមនុស្សដំណាក់កាលទី ១ មុននឹងសម្រេចចិត្តថាតើត្រូវកែទម្រង់ប្រព័ន្ធឬយ៉ាងណា។

សូមបញ្ជាក់ថា Baiya គឺជាវ៉ាក់សាំងកូវីដ មួយក្នុងចំណោម ៤ ដែលកំពុងត្រូវបានបង្កើតឡើងនៅក្នុងប្រទេសថៃ។ ដោយឡែកថៃបាននឹងកំពុងសាកល្បងលើវ៉ាក់សាំង ChulaCov19 របស់សាកលវិទ្យាល័យជូឡាឡុងកន (ការសាកល្បងមនុស្សដំណាក់កាលទី ២) ក្រុមហ៊ុន HXP-GPO Vac របស់អង្គការឱសថនិងវ៉ាក់សាំងបាញ់ច្រមុះរបស់ Biotech ៕

ប្រែសម្រួល៖ សាង ស្រីល័ក្ខ

ប្រភព៖nationthailand

ចុចអាន៖ថៃ នឹងប្រើរូបមន្តចាក់វ៉ាក់សាំង ៥ ផ្សេងគ្នា ដើម្បីពន្លឿនយុទ្ធនាការបង្កើនភាពស៊ាំទូទាំងប្រទេស

ចុចអាន៖ថៃ ទើបរកឃើញរោគសញ្ញាថ្មីមួយទៀត កើតចំពោះអ្នកជាសះស្បើយពីកូវីដ ១៩

ចុចអាន៖វ៉ាក់សាំង ថៃ នឹងដាក់ដំណើរការនៅខែមេសា ក្រោយបង្ហាញប្រសិទ្ធភាពខ្លាំង លើវីរុសបំប្លែងខ្លួន ៤ ប្រភេទ ជាពិសេស Delta