រុស្ស៊ី បង្កើតឧបករណ៍តេស្តរហ័សមានសមត្ថភាពរកឃើញវីរុសបំប្លែងខ្លួនច្រើនប្រភេទ

ប្រធានទីភ្នាក់ងារជីវឱសថសហព័ន្ធរុស្ស៊ី (FMBA) លោក Vermedika Skvortsova បាននិយាយកាលពីព្រហស្បតិ៍ថា FMBA បានបង្កើតឧបករណ៍ធ្វើតេស្តរហ័ស ដែលមានសមត្ថភាពអាចរកឃើញវីរុសបំប្លែងខ្លួន Lambda ។

លោក Skvortsova បាននិយាយថា “យើងបានបង្កើតឧបករណ៍ធ្វើតេស្តរហ័ស ដើម្បីរកមើលវីរុសបំប្លែងខ្លួនជាច្រើនដូចជា វីរុសបំប្លែងខ្លួន Lambda ក្នុងនោះរួមទាំងវីរុសបំប្លែងខ្លួនឥណ្ឌា Delta និងវីរុស Delta Plus ផងដែរ” ។

ចំណែកលោកវេជ្ជបណ្ឌិត Peter Chi Hong អ្នកជំនាញរោគឆ្លងនៅសាកលវិទ្យាល័យ California បាននិយាយថា “វីរុសបំប្លែងខ្លួន Lambda គឺកំពុងនៅទីនេះ ។ វាមានឥទ្ធិពលគេចផុតពីវ៉ាក់សាំង ក៏ដូចជាឆ្លងរហ័ស ប៉ុន្តែមិនឆ្លងលឿនដូចវីរុសបំប្លែងខ្លួនឥណ្ឌា Delta នោះទេ” ។

គួរបញ្ជាក់ថា វីរុសបំប្លែងខ្លួន Lambda ត្រូវបានរកឃើញដំបូងនៅប្រទេសកូឡុំប៊ី និងបានរីករាលដាលនៅប៉េរូ ខណៈបច្ចុប្បន្នកំពុងអុកឡុករដ្ឋកាលីហ្វ័រញ៉ារបស់សហរដ្ឋអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ TeleSUR

ចុចអាន ៖ អ្នកចាក់ Pfizer ដូសទី ២ ហើយចាក់ដូសទី ៣ វ៉ាក់សាំងរុស្ស៊ីមួយនេះ នឹងបង្កើនប្រសិទ្ធភាពប្រឆាំងវីរុស Delta