ព័ត៌មានអន្ដរជាតិ

«Mu» វីរុសបំប្លែងខ្លួនថ្មីរបស់កូវីដ កំពុងស្ថិតក្នុងដំណាក់កាលតាមដាន

បានផុស

៤ years មុន

នៅ

ថ្ងៃសុក្រ ៣ កញ្ញា ២០២១

ដោយ

អង្គការសុខភាពពិភពលោក (WHO) កាលពីថ្ងៃទី ៣១ ខែសីហា កន្លងទៅបានលើកឡើងពីវីរុសកូវីដ-១៩ បំប្លែងថ្មីមួយមានឈ្មោះថា «Mu» ដែលវ៉ារ្យ៉ង់ប្រភេទនេះ ត្រូវបានរកឃើញដំបូងនៅប្រទេសកូឡំប៊ី កាលពីខែមករា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

WHO បានដាក់វីរុសបំប្លែងខ្លួនថ្មីនេះ ក្នុងក្រុមវ៉ារ្យ៉ង់ដែលត្រូវតាមដាន និងបាននិយាយដែរថា វាអាចមានហានិភ័យលើភាពធន់នឹងវ៉ាក់សាំងដែរ។ យ៉ាងណា ការលើកឡើងនេះ អង្គការសុខភាពពិភពលោកថាត្រូវការការសិក្សាបន្ថែមទៀត។

គិតមកដល់ពេលនេះភាគរយនៃអ្នកឆ្លងវីរុសបំប្លែងថ្មី Mu នៅលើពិភពលោក នៅមានកម្រិតទាបក៏ពិតមែន តែថាវាកំពុងតែកើនចំនួនឆ្លងនៅអាមេរិកខាងត្បូង។ បើតាមអង្គការសុខភាពពិភពលោក វីរុសបំប្លែងថ្មី Mu មានចំនួនអ្នកឆ្លងនៅលើពិភពលោកតិចជាង០,១ភាគរយ តែថាបើគិតក្នុងប្រទេសកូឡំប៊ី មានដល់ទៅ៣៩ភាគរយ និងនៅប្រទេសអេក្វាឌ័រ មាន១៣ភាគរយនៃអ្នកឆ្លងសរុប។

បច្ចុប្បន្នអង្គការសុខភាពពិភពលោកបានកំណត់ថាវីរុសបំប្លែងថ្មីចំនួនបួន ជាប្រភេទគួរឲ្យបារម្ភគឺ Alpha Beta Gamma និង Delta ក្នុងនោះមានវីរុស Alpha មានវត្តមាននៅក្នុងប្រទេសចំនួន១៩៣ និងវីរុសបំប្លែងថ្មី Delta មានវត្តមាននៅក្នុងប្រទេស១៧០។ ចំណែកវីរុសបំប្លែងខ្លួនចំនួនប្រាំផ្សេងទៀត មានទាំង Mu ផងដែរ កំពុងស្ថិតនៅក្រោមការតាមដានរបស់អង្គការសុខភាពពិភពលោក៕

អត្ថបទផ្ដល់ដោយ៖ Hello Krupet

ចុចអាន៖WHO កំពុងតាមដានវីរុសបំប្លែងខ្លួនថ្មីឈ្មោះ Mu ដែលធន់វ៉ាក់សាំង និងអាចគេចប្រព័ន្ធភាពស៊ាំ