ដឹងហើយ នេះសមាសភាព ក្រុមតាលីបង់ ដឹកនាំរដ្ឋាភិបាលថ្មីរបស់ អាហ្វហ្គានីស្ថាន

ដោយដកស្រង់ប្រភពពីក្រុមតាលីបង់ ទីភ្នាក់ងារសារព័ត៌មាន Reuters បានរាយការណ៍នៅថ្ងៃសុក្រនេះថា លោក Abdul Ghani Baradar ប្រធានការិយាល័យនយោបាយរបស់តាលីបង់ នឹងដឹកនាំរដ្ឋាភិបាលអាហ្វហ្គានីស្ថានថ្មី ។

យោងតាមប្រភពព័ត៌មានបានឲ្យដឹងថា លោក Mullah Mohammad Yaqoob កូនប្រុសរបស់ស្ថាបនិកចលនាតាលីបង់ និងអ្នកនាំពាក្យតាលីបង់លោក Sher Mohammad Abbas Stanikzai នឹងកាន់តំណែងជាន់ខ្ពស់នៅក្នុងជួររដ្ឋាភិបាលថ្មីនេះ ។

កន្លងមកប្រភពមួយនៅក្នុងក្រុមតាលីបង់បាននិយាយនៅថ្ងៃទី ៣១ ខែសីហាថា លោក Baradar ត្រូវបានតែងតាំងជារដ្ឋមន្ត្រីការបរទេស ខណៈដែលលោក Yaqoob នឹងក្លាយជារដ្ឋមន្ត្រីការពារជាតិ ។

នៅដើមខែសីហា ក្រុមតាលីបង់បានបង្កើនការវាយលុកទៅលើកងកម្លាំងរដ្ឋាភិបាលនៅអាហ្វហ្គានីស្ថាន ។ ក្រុមតាលីបង់បានចូលរដ្ឋធានីអាហ្វហ្គានីស្ថាននៅថ្ងៃទី ១៥ ខែសីហា ហើយបានកាន់កាប់វិមានប្រធានាធិបតី ។

ចំណែកនៅថ្ងៃទី ១៦ ខែសីហា ក្រុមតាលីបង់បានប្រកាសថា សង្គ្រាមនៅអាហ្វហ្គានីស្ថានបានបញ្ចប់ហើយ ហើយទម្រង់បែបបទនៃរដ្ឋាភិបាលនៅក្នុងប្រទេសនេះ នឹងកាន់តែច្បាស់នាពេលអនាគត ។ រហូតមកដល់ពេលនេះ ខេត្តតែមួយគត់ដែលមិនស្ថិតនៅក្រោមការគ្រប់គ្រងរបស់ក្រុមតាលីបង់ គឺខេត្ត Panjshir ភាគឦសាននៃទីក្រុងកាប៊ុល ដែលដឹកនាំដោយមេចលនាតស៊ូប្រដាប់អាវុធលោក Ahmad Massoud ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ វីដេអូស្តែងៗ ក្រុមតាលីបង់ ព្យួរបុរសម្នាក់នៅក្រោមឧទ្ធម្ភាគចក្រ ហោះលើទីក្រុង