ទស្សនាវីដេអូ ប្រជាជនអាហ្វហ្គានីស្ថាន រត់ជាន់គ្នាស្លាប់នៅច្រកព្រំដែន ពេលសម្រុកចេញពីប្រទេស

មនុស្សម្នាក់បានស្លាប់ បន្ទាប់ពីមនុស្សសម្រុកឆ្លងកាត់ព្រំដែនអាហ្វហ្គានីស្ថាន-ប៉ាគីស្ថានកាលពីថ្ងៃព្រហស្បតិ៍។ នេះបើយោងតាមរបាយការណ៍របស់ CNN។

ការរត់ជាន់គ្នានេះ ត្រូវបានគេរាយការណ៍ថា កើតឡើងបន្ទាប់ពីប្រទេសប៉ាគីស្ថានបិទច្រកព្រំដែន Chaman ដែលជាច្រកព្រំដែនពាណិជ្ជកម្មធំលំដាប់ទី២ ជាមួយប្រទេសអាហ្វហ្គានីស្ថាន។

ច្រកព្រំដែននេះ តភ្ជាប់ពីតំបន់ Spin Boldak របស់អាហ្វហ្គានីស្ថានក្នុងខេត្ត Kandahar ជាមួយទីក្រុង Chaman របស់ប្រទេសប៉ាគីស្ថាន។

វីដេអូដែលត្រូវបានចែករំលែកនៅលើបណ្តាញសង្គម បានបង្ហាញពីប្រជាជនអស់សង្ឃឹមរាប់រយនាក់ ព្យាយាមចូលទៅក្នុងប្រទេសប៉ាគីស្ថានខណៈក្រុមតាលីបង់ កាន់កាប់អាហ្វហ្គានីស្ថាន។

ទោះបីជាយ៉ាងណាក៏ដោយ អ្នកចែករំលែកវីដេអូនេះ គឺអតីតពិធីករទូរទស្សន៍ TOLO បានអះអាងថា មនុស្ស ៤ នាក់បានស្លាប់នៅក្នុងហេតុការណ៍រត់ជាន់គ្នានេះ៕

វីដេអូ៖

ប្រែសម្រួល៖ Vann Vann

ប្រភព៖ Hindustan Times

ចុចអាន៖ វីដេអូស្តែងៗ ក្រុមតាលីបង់ ព្យួរបុរសម្នាក់នៅក្រោមឧទ្ធម្ភាគចក្រ ហោះលើទីក្រុង