ព័ត៌មានអន្ដរជាតិ

ទាហានអះអាងដណ្តើមបានអំណាចប្រទេសហ្គីណេដោយរដ្ឋប្រហារ

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

វាសនារបស់ប្រធានាធិបតីប្រទេសហ្គីណេ លោក Alpha Condé មិនច្បាស់លាស់ឡើយ បន្ទាប់ពីមានវីដេអូមួយបង្ហាញឲ្យឃើញលោកត្រូវបានទាហាននៅជុំវិញដែលត្រូវបាននិយាយថា ពួកគេបានកាន់កាប់អំណាច។

ពួកគេបានលេចមុខលើកញ្ចក់ទូរទស្សន៍ជាតិដោយបានអះអាងថា បានរំលាយរដ្ឋាភិបាល។ ទោះបីជាយ៉ាងណា ក្រសួងការពារជាតិបាននិយាយថា ការប៉ុនប៉ងចូលកាន់អំណាចត្រូវបានរារាំងដោយកម្លាំងការពាររបស់ប្រធានាធិបតី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងប៉ុន្មានម៉ោងបន្ទាប់ពីមានការផ្ទុះអាវុធទ្រង់ទ្រាយធំនៅជិតវិមានប្រធានាធិបតីក្នុងរដ្ឋធានី Conakry។

អគ្គលេខាធិការអង្គការសហប្រជាជាតិលោក Antonio Guterres និងសហភាពអាហ្វ្រិកបានថ្កោលទោសរដ្ឋប្រហារជាក់ស្តែង និងបានទាមទារឲ្យដោះលែងលោកប្រធានាធិបតី Condé ជាបន្ទាន់។

ប្រទេសហ្គីណេស្ថិតនៅ អាហ្វ្រិកខាងលិច សំបូរធនធានធម្មជាតិ ប៉ុន្តែជាច្រើនឆ្នាំកន្លងទៅ ចលាចល និងការគ្រប់គ្រងប្រទេសមិនបានល្អបានធ្វើឲ្យក្លាយជាប្រទេសក្រីក្របំផុតក្នុងពិភពលោក។

សុន្ទរថកាលើកញ្ចក់ទូរទស្សន៍មានទាហាន៩នាក់ដែលមិនបញ្ចេញឈ្មោះ កាន់ទង់ជាតិពណ៌ក្រហម មាស និងបៃតង ដែលបាននិយាយថា ពួកគេឡើងកាន់អំណាចដោយសារអំពើពុករលួយរាលដាល ការគ្រប់គ្រងប្រទេសមិនបានល្អ និងភាពក្រីក្រ៕

ប្រែសម្រួល៖ វីរបុត្រ
ប្រភព៖ BBC

Related Topics:ប្រទេសហ្គីណេ