ស្ងាត់ៗ អ៊ីស្រាអែល ត្រៀមចាក់វ៉ាក់សាំងកូវីដដូសទី ៤

សារព័ត៌មាន The Times of Israel បានរាយការណ៍ថា លោក Salman Zarka ប្រធានគណៈកម្មការទប់ស្កាត់ការឆ្លងជំងឺកូវីដ ១៩ របស់ប្រទេសអ៊ីស្រាអែល បានប្រកាសថា ប្រទេសនេះគួរតែចាប់ផ្តើមរៀបចំការចាក់វ៉ាក់សាំងការពារជំងឺកូវីដ ១៩ ដូសទី ៤ ប៉ុន្តែលោកមិនបានបញ្ជាក់ពីពេលវេលានោះឡើយ ។

ទន្ទឹមនោះ លោកបានប្រាប់វិទ្យុសាធារណៈ Kan ថា “ដោយសារមេរោគនៅតែនៅទីនេះ យើងក៏ត្រូវត្រៀមខ្លួនសម្រាប់ការចាក់វ៉ាក់សាំងដូសទី ៤ ដែរ” ។

លោក Zarka ក៏បានលើកឡើងផងដែរថា ការចាក់ដូសជំរុញគឺអាចជួយបង្កើនប្រសិទ្ធភាពទប់ស្កាត់ការឆ្លងបានល្អបំផុត ពិសេសការពារវីរុសបំប្លែងខ្លួនថ្មីដូចជា វីរុសបំប្លែងខ្លួនឥណ្ឌា Delta ជាដើម ។

លោកបានកត់សម្គាល់ថា “នេះគឺជាជីវិតរបស់យើង អំឡុងរលកនៃការឆ្លងរាតត្បាត” ។

គួរបញ្ជាក់ថា គិតត្រឹមថ្ងៃសុក្រជនជាតិអ៊ីស្រាអែលជាង ២.៥ លាននាក់បានទទួលការចាក់វ៉ាក់សាំងការពារជំងឺកូវីដ ១៩ ដូសទី ៣ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អ៊ីស្រាអែល នឹងសាកល្បងវិធីព្យាបាលថ្មីចំពោះអ្នកជំងឺកូវីដធ្ងន់ធ្ងរ