ព័ត៌មានអន្ដរជាតិ
ចិនអះអាងថា វីរុសកូរ៉ូណាមានដើមកំណើតនៅក្នុងប្រទេសឥណ្ឌាដោយសារហេតុផលតែមួយគត់នេះ
ក្រុមអ្នកស្រាវជ្រាវចិនបានអះអាងថា វីរុសកូរ៉ូណាមានដើមកំណើតនៅក្នុងប្រទេសឥណ្ឌាដែលនេះអាចជាការប៉ុនប៉ងចុងក្រោយរបស់អ្នកសិក្សាដើម្បីដាក់ការស្តីបន្ទោសចំពោះជំងឺរាតត្បាតនេះនៅខាងក្រៅព្រំដែនរបស់ពួកគេ។
ក្រុមមួយមកពីបណ្ឌិត្យសភាវិទ្យាសាស្ត្រចិនបានអះអាងថា វីរុសនេះទំនងជាមានដើមកំណើតនៅក្នុងប្រទេសឥណ្ឌានារដូវក្តៅឆ្នាំ២០១៩ពោលគឺចម្លងពីសត្វទៅមនុស្សតាមរយៈទឹកដែលមានជាតិកខ្វក់មុនពេលធ្វើដំណើរទាំងគ្មានអ្នកចាប់អារម្មណ៍ទៅដល់ទីក្រុង Wuhan ដែលជាកន្លែងជំងឺកូវីដ១៩ត្រូវបានគេរកឃើញជាលើកដំបូង។
នេះមិនមែនជាលើកទីមួយទេដែលអាជ្ញាធរចិនបានដាក់ការស្តីបន្ទោសទៅកន្លែងផ្សេងទៀតដោយលើកឡើងភាគច្រើនទាំងគ្មានភស្តុតាងថា ទាំងអ៊ីតាលីនិងសហរដ្ឋអាមេរិកអាចជាកន្លែងនៃការឆ្លងដំបូង។
ហើយការចោទប្រកាន់នេះបានកើតឡើងចំពេលមានភាពតានតឹងផ្នែកនយោបាយរវាងឥណ្ឌានិងចិនដោយកងទ័ពប្រទេសទាំងពីរបានវាយប្រហារគ្នាទៅវិញទៅមកនៅតាមព្រំដែនដែលមានជម្លោះ។
អង្គការសុខភាពពិភពលោកកំពុងស្វែងរកប្រភពនៃវីរុសកូរ៉ូណានៅក្នុងប្រទេសចិនខណៈដែលភស្តុតាងវិទ្យាសាស្ត្របង្ហាញថា ជំងឺនេះមានប្រភពនៅទីនោះ។
នៅក្នុងឯកសាររបស់ពួកគេ ក្រុមចិនបានប្រើការវិភាគជីវសាស្ត្រដើម្បីប៉ុនប៉ងតាមដានរកប្រភពដើមនៃជំងឺកូវីដ១៩។
ពួកគេនិយាយថា ការប្រើប្រាស់វិធីសាស្ត្រនេះបានច្រានចោលលទ្ធភាពដែលថាវីរុសកូរ៉ូណាត្រូវបានរកឃើញដំបូងនៅ Wuhan ហើយផ្ទុយទៅវិញបានចង្អុលទៅប្រទេសចំនួន៨ផ្សេងទៀតមានដូចជាបង់ក្លាដែស អាមេរិក ក្រិក អូស្ត្រាលី ឥណ្ឌា អ៊ីតាលី សាធារណរដ្ឋឆែក រុស្ស៊ីឬស៊ែប៊ី។
តាមរយៈការប៉ាន់ស្មាននៃពេលវេលានិងប្រៀបធៀបទៅនឹងសំណាកដែលបានយកនៅទីនោះ ពួកគេបានអះអាងថា វីរុសកូរ៉ូណាបានលេចចេញនៅក្នុងប្រទេសឥណ្ឌាកាលពីខែកក្កដាឬខែសីហាឆ្នាំ២០១៩។
ពួកគេបន្តថា “ចាប់ពីខែឧសភាដល់ខែមិថុនាឆ្នាំ២០១៩ រលកកម្តៅយូរបំផុតលំដាប់ទី២ក្នុងកំណត់ត្រាបានវាយប្រហារភាគខាងជើងប្រទេសឥណ្ឌានិងប៉ាគីស្ថានដែលបានបង្កើតបានជាវិបត្តិទឹកធ្ងន់ធ្ងរនៅក្នុងតំបន់នេះ។
កង្វះទឹកបានធ្វើឲ្យសត្វព្រៃដូចជាស្វាជាដើម ចូលរួមប្រយុទ្ធដណ្តើមទឹកផឹកហើយវានឹងអាចបង្កើនឱកាសនៃអន្តរកម្មសត្វព្រៃនិងមនុស្ស។
យើងបានប៉ាន់ស្មានថា ការចម្លងវីរុស SARS-CoV-2 ពីសត្វទៅមនុស្សអាចត្រូវបានផ្សារភ្ជាប់ជាមួយនឹងរលកកម្តៅមិនធម្មតានេះ។
ក្រុមអ្នកស្រាវជ្រាវអះអាងទៀតថា ប្រព័ន្ធថែទាំសុខភាពអន់ខ្សោយនិងប្រជាជនវ័យក្មេងរបស់ប្រទេសឥណ្ឌាដែលទទួលរងរោគសញ្ញាអាការៈមិនសូវធ្ងន់ធ្ងរនៃជំងឺកូវីដ១៩បានអនុញ្ញាតឲ្យវីរុសរីករាលដាលដោយមិនត្រូវបានការពារអស់រយៈពេលជាច្រើនខែ។
ពួកគេប៉ាន់ស្មានថា វីរុសនេះអាចឆ្លងរាលដាលដល់បណ្តាប្រទេសដទៃទៀតនៅក្នុងបញ្ជីរបស់ពួកគេមុនពេលមកដល់ប្រទេសចិនដែលប្រហែលជាតាមរយៈទ្វីបអឺរ៉ុប៕
ប្រែសម្រួលដោយ៖ Vann Vann
ប្រភព៖ Daily Mail
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត