ព័ត៌មានអន្ដរជាតិ

CDC៖ ក្មេងៗនៅតែជាចំណុចក្ដៅ និងជាមុខសញ្ញារបស់កូវីដឬវីរុសបំប្លែងខ្លួន

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

យោងតាមទិន្នន័យ ដែលចេញផ្សាយដោយមជ្ឈមណ្ឌលត្រួតពិនិត្យនិងបង្ការជំងឺ (CDC) បានបង្ហាញថា កុមារនៅក្នុងរដ្ឋដែលមានអត្រាចាក់វ៉ាក់សាំងកូវីដទាប មានលទ្ធភាពចូលមន្ទីរពេទ្យ ៤ ដង បើប្រៀបធៀបទៅនឹងកុមារដែលរស់នៅក្នុងរដ្ឋ ដែលមានកម្រិតចាក់វ៉ាក់សាំងខ្ពស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារនេះបាននិយាយថា ចាប់ពីខែ មិថុនា ដល់ខែ សីហា អត្រាឆ្លងមេរោគក្នុងចំណោមកុមារនិងក្មេងជំទង់ពី ៨ ទៅ ១០ ដងនៅទូទាំងប្រទេស។ សម្រាប់កុមារដែលមានអាយុចាប់ពី ៤ ឆ្នាំនិងទាបជាងនេះ អត្រាករណីបានកើនឡើងដល់ ១៦ ក្នុងចំណោមប្រជាជន ១០០,០០០ នាក់ នៅក្នុងប្រជាជនទូទៅ នៅក្នុងខែសីហា និងពីរតិចជាង ២ នាក់ ក្នុងចំណោម ១០០,០០០ នាក់នៅក្នុងខែ មិថុនា។

យោងតាម CDC នៅខែ សីហា មាន ២៩ ករណីក្នុងចំណោមប្រជាជន ១០០,០០០ នាក់ នៃប្រជាជនអាយុពី ៥ ទៅ ១១ ឆ្នាំ កើនឡើងពីតិចជាង ២ នាក់ ក្នុងចំណោម ១០០,០០០ នាក់នៅក្នុងខែ មិថុនា ។

ដោយឡែកនៅចុងខែ សីហា មានករណីកូវីដជិត ៣៣ ករណី ក្នុងចំណោមប្រជាជន ១០០,០០០ នាក់សម្រាប់ក្មេងវ័យជំទង់ ដែលមានអាយុពី ១២ ទៅ ១៧ ឆ្នាំ លើសពីតិចជាង ៣ នាក់ ក្នុងចំណោម ១០០.០០០ នាក់ដែលបានរាយការណ៍កាលពីខែ មិថុនា។

អ្នកស្រាវជ្រាវ CDC បានបញ្ជាក់ទៀតថា ក្នុងចំណោមកុមារនិងមនុស្សវ័យជំទង់ឆ្លងកូវីដ នៃករណីចូលសង្គ្រោះបន្ទាន់ និងការចូលមន្ទីរពេទ្យ បានកើនឡើងនៅចន្លោះខែ មិថុនា និងសីហា នៃឆ្នាំនេះ ជាមួយនឹងការកើនឡើងធំបំផុតក្នុងរយៈពេលបីសប្ដាហ៍ដំបូងនៃខែ សីហា។

លើសពីនេះ ការវិភាគនេះបានរកឃើញថា ភាគរយនៃការចូលមន្ទីរពេទ្យរបស់ក្មេងដែលឆ្លងកូវីដ១៩ ឬវីរុសបំប្លែងខ្លួន និងត្រូវចូល ICU នៅតែមានជិត ២០ភាគរយ ចាប់តាំងពីវីរុសបំប្លែងខ្លួនក្លាយជាវីរុសលេចធ្លោនៅសហរដ្ឋអាមេរិក៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖អ្នកជំនាញចែករំលែកគន្លឹះការពារក្មេងៗ ប្រសិនបើសាលារៀនបើកឡើងវិញ

ចុចអាន៖នៅអាមេរិក ការគាំទ្រកូនឲ្យចាក់វ៉ាក់សាំង គឺជាអាវក្រោះសុវត្ថិភាព ការពារក្មេងៗ ពេលទៅសាលារៀន

Related Topics:សហរដ្ឋអាមេរិក