ព័ត៌មានអន្ដរជាតិ
ពលរដ្ឋអាហ្វហ្គានីស្ថានកាន់តែវេទនា មន្ទីរពេទ្យជាង២ពាន់កន្លែងអាចនឹងបិទសប្តាហ៍នេះ
មណ្ឌលសុខភាពរាប់រយកន្លែងនៅប្រទេសអាហ្វហ្គាណីស្ថានប្រឈមនឹងបិទទ្វារឆាប់ៗដោយសារតែជំនួយរបស់ប្រទេសលោកខាងលិចត្រូវបានរារាំងដោយរដ្ឋាភិបាលតាលីបង់ថ្មី។ នេះបើតាមមន្ត្រីអង្គការសុខភាពពិភពលោក (WHO) បាននិយាយនៅថ្ងៃចន្ទ ទី៦ ខែកញ្ញា។
លោក Rick Brennan នាយកផ្នែកសុខាភិបាលប្រចាំតំបន់របស់ទីភ្នាក់ងារសុខភាពពិភពលោក UN បានឲ្យដឹងថា ប្រហែលជា៩០%នៃមណ្ឌលសុខភាពចំនួន២៣០០កន្លែងទូទាំងប្រទេសប្រហែលជាត្រូវបិទទ្វារឆាប់ក្នុងសប្តាហ៍នេះ។

លោកបានលើកឡើងថា ជំនួយពីប្រទេសលោកខាងលិចជាច្រើនត្រូវបានរារាំងដោយតាលីបង់ ប៉ុន្តែមិនបញ្ជាក់លំអិត។
លោក Brennan មានប្រសាសន៍ថា ៖«យើងនឹងផ្អាកប្រតិបត្តិការនៅក្នុងទ្រង់ទ្រាយធំនៃមណ្ឌលសុខភាពទាំងនោះ។ តាមការប៉ាន់ស្មាន ប្រហែលជា៩០%នឹងត្រូវបិទចុងសប្តាហ៍នេះ ហើយនឹងធ្វើឲ្យកើនឡើងនូវអ្នកជំងឺ និងការស្លាប់»។
លោកបន្តថា អង្គការសុខភាពពិភពលោកបានកំពុងព្យាយាមបំពេញគម្លាតដោយការផ្គតផ្គងសម្ភារៈ និងហិរញ្ញវត្ថុដល់មណ្ឌលសុខភាពចំនួន៥០០កន្លែង។
ទីភ្នាក់ងារក៏បានកំពុងទាក់ទងជាមួយប្រទេសកាតារដើម្បីបញ្ជូនវេជ្ជសាស្ត្រតាមរយៈយន្តហោះ។ «យើងសង្ឃឹមមានយន្តហោះដឹកទំនិញពីរទៅ៣គ្រឿងដែលហោះហើរចេញពីរដ្ឋាភិបាលកាតារដែលប្រហែលជាចូលទៅព្រលានយន្តហោះកាប៊ុលនៅសប្តាហ៍ក្រោយ»។
ការបញ្ជូនបន្ទាប់មានទាំងឧបករណ៍ធ្វើតេស្តកូវីដ-១៩ និងការផ្គត់ផ្គង់សម្ភារៈព្យាបាលជំងឺរ៉ាំរ៉ៃ។
រួមជាមួយនឹងទីភ្នាក់ងារជំនួយផ្សេងៗ អង្គការសុខភាពពិភពលោកកំពុងជួបការលំបាកនាំយកសម្ភារៈវេជ្ជសាស្ត្រចូលដោយសារភាពវឹកវរនៅព្រលានយន្តហោះកាប៊ុល។
លោក Brennan បន្ថែមថា ការផ្គត់ផ្គង់វេជ្ជសាស្ត្រនៅតែបន្តហោះហើរតាមទីក្រុង Mazar-i-Sharif ហើយអង្គការសុខភាពពិភពលោកបានកំពុងស្វែងរកជម្រើសផ្សេងទៀតចេញពីប្រទេសប៉ាគីស្ថាន៕
ប្រែសម្រួល៖ វីរបុត្រ
ប្រភព៖ Reuters

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ