តាលីបង់ ឲ្យប្រជាជន អាហ្វហ្គានីស្ថាន ឈប់ធ្វើបាតុកម្ម ព្រោះប្រទេសទើបងើបចេញពីវិបត្តិសង្គ្រាម

អ្នកនាំពាក្យតាលីបង់លោក Zabihullah Mujahid បានអំពាវនាវដល់ប្រជាជននៅអាហ្វហ្គានីស្ថានកុំធ្វើបាតុកម្ម ដោយនិយាយថា ប្រទេសនេះគ្រាន់តែយកឈ្នះលើវិបត្តិមួយប៉ុណ្ណោះ ។

លោក Mujahid បានសរសេរនៅលើបណ្តាញសង្គម Twiiter ថា “យើងទើបតែចេញពីវិបត្តិ ដូច្នេះយើងសុំឲ្យបុរស និងស្ត្រីក៏ដូចជាស្រទាប់ប្រជាជនទាំងអស់ កុំធ្វើបាតុកម្មក្នុងស្ថានភាពបែបនេះ” ។

នៅថ្ងៃដដែល អ្នកនាំពាក្យរូបនេះបាននិយាយថា សង្គ្រាមនៅអាហ្វហ្គានីស្ថានបានបញ្ចប់ហើយ ហើយរដ្ឋាភិបាលថ្មីនឹងត្រូវបង្កើតឡើងនៅប៉ុន្មានថ្ងៃខាងមុខនេះ ។

លោក Mujahid ក៏បានបញ្ជាក់ផងដែរថា ខេត្ត Panjshir នៅតែជាតំបន់ចុងក្រោយដែលមិនត្រូវធ្លាក់ទៅក្រុមតាលីបង់ ពេលនេះបានចុះចាញ់ក្រុមឥស្លាមនិយមហើយ ។

កន្លងមក ក្រុមតាលីបង់អះអាងថាបានគ្រប់គ្រងទាំងស្រុងលើខេត្ត Panjshir ខណៈរណសិរ្សតស៊ូជាតិ (NRF) បានបដិសេធការអះអាងនេះថាមិនពិត ដោយសង្កត់ធ្ងន់ថា ការប្រយុទ្ធគ្នានៅតែបន្ត ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ តាលីបង់ អះអាងថា មនុស្សរាប់រយនាក់នៅខេត្ត Panjshir លើកទង់ ស ចុះចាញ់ ហើយអាវុធ និងគ្រាប់កាំភ្លើងត្រូវបានរឹបអូស