ព័ត៌មានអន្ដរជាតិ
អតីតប្រធានាធិបតី អាហ្វហ្គានីស្ថាន ដែលរត់ភៀសខ្លួន សុំទោសប្រជាជនចំពោះការចាកចេញពីទីក្រុងកាប៊ុល
អតីតប្រធានាធិបតីអាហ្វហ្គានីស្ថានលោក Ashraf Ghani ដែលបានភៀសខ្លួនពីទីក្រុងកាប៊ុល បន្ទាប់ពីរដ្ឋធានីត្រូវបានកាន់កាប់ដោយក្រុមតាលីបង់ បាននិយាយនៅក្នុងសេចក្តីថ្លែងការណ៍មួយថា លោកបានចាកចេញពីទីក្រុងតាមការណែនាំរបស់ក្រុមសន្តិសុខរបស់លោក ដើម្បីការពារការស្លាប់ និងរបួស ដោយសារការប៉ះទង្គិចគ្នាតាមដងផ្លូវ ។

អតីតប្រធានាធិបតីរូបនេះបាននិយាយថា “ការចាកចេញពីទីក្រុងកាប៊ុលគឺជាការសម្រេចចិត្តដ៏លំបាកបំផុតនៃជីវិតរបស់គាត់ ប៉ុន្តែគាត់ជឿជាក់ថា វាគឺជាវិធីតែមួយគត់ដើម្បីរក្សាភាពស្ងៀមស្ងាត់របស់គ្រាប់កាំភ្លើង ក៏ដូចជាជួយសង្គ្រោះទីក្រុងកាប៊ុល និងពលរដ្ឋ ៦ លាននាក់របស់លោក” ។
លោក Ghani និយាយថា “ខ្ញុំជំពាក់ប្រជាជនអាហ្វហ្គានីស្ថាន នូវការពន្យល់នៃការចាកចេញពីទីក្រុងកាប៊ុលជាបន្ទាន់ នៅថ្ងៃទី ១៥ ខែសីហា បន្ទាប់ពីតាលីបង់បានចូលទីក្រុងដោយមិនបានរំពឹងទុក ។ ការចាកចេញនេះ ដោយសារធ្លាប់មានការប្រយុទ្ធគ្នាតាមដងផ្លូវទីក្រុងនាំឲ្យមានការឈឺចាប់ អំឡុងសង្គ្រាមស៊ីវិលទសវត្សរ៍ឆ្នាំ ១៩៩០ ។

លោក Ghani បានសង្កត់ធ្ងន់ថា បន្ទាប់ពីរយៈពេល ២០ ឆ្នាំនៃការជួយប្រជាជនអាហ្វហ្គានីស្ថានធ្វើការឆ្ពោះទៅរកការកសាងរដ្ឋប្រជាធិបតេយ្យ វិបុលភាព និងអធិបតេយ្យភាព វាមិនមែនជាចេតនារបស់លោកក្នុងការបោះបង់ប្រជាជន ឬចក្ខុវិស័យនាពេលអនាគតរបស់អាហ្វហ្គានីស្ថាននោះទេ ។
គួរបញ្ជាក់ថា លោក Ghani បានភៀសខ្លួនចេញ និងបានចុះចេញពីតំណែងជាប្រធានាធិបតីអាហ្វហ្គានីស្ថានកាលពីខែសីហា បន្ទាប់ពីការក្តោបក្តាប់អំណាចយ៉ាងឆាប់រហ័សរបស់ក្រុមតាលីបង់នៅក្នុងប្រទេស ៕

ប្រែសម្រួលដោយ ៖ ជីវ័ន្ត
ប្រភព ៖ Sputnik

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ