ព័ត៌មានអន្ដរជាតិ

តាលីបង់អនុញ្ញាតឲ្យអាមេរិក២០០នាក់ចាកចេញពីអាហ្វហ្គានីស្ថាន

បានផុស

៤ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

យោងតាមមន្ត្រីអាមេរិកម្នាក់បានឲ្យដឹងថា តាលីបង់បានអនុញ្ញាតឲ្យពលរដ្ឋអាមេរិក២០០នាក់ និងជនស៊ីវិលផ្សេងទៀតចាក់ចេញពីប្រទេសអាហ្វហ្គានីស្ថានតាមជើងហោះហើរមិនបានគ្រោងទុក។

មន្ត្រីដែលបាននិយាយជាមួយទីភ្នាក់ងារសារព័ត៌មាន Reuters ក្នុងលក្ខខណ្ឌមិនបញ្ចេញឈ្មោះថា តាលីបង់បានបញ្ជាក់ពីការអនុញ្ញាតឲ្យចាកចេញដោយតំណាងពិសេសរបស់អាមេរិក Zalmay Khalilzad។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការហោះហើរត្រូវបានគេរំពឹងចាកចេញនៅថ្ងៃព្រហស្បតិ៍នេះពីព្រលានយន្តហោះកាប៊ុល ប៉ុន្តែមន្ត្រីមិនបានបញ្ជាក់ទេថាតើពលរដ្ឋអាមេរិក និងជនជាតិផ្សេងៗស្ថិតនៅលើយន្តហោះរាប់បញ្ចូលទាំងអ្នកដែលជាប់គាំងនៅទីក្រុង Mazar-i-Sharif ជាច្រើនថ្ងៃដោយសារយន្តហោះឯកជនរបស់ពួកគេមិនត្រូវបានអនុញ្ញាតឲ្យចាកចេញ។

ចាប់តាំងពីកម្លាំងទ័ពរបស់ប្រទេសលោកខាងលិចបានចាកចេញពីអាហ្វហ្គានីស្ថានកាលពីចុងខែសីហាមក សហរដ្ឋអាមេរិក និងចក្រភពអង់គ្លេសបានកំពុងព្យាយាមស្វែងរកវិធីជម្លៀសចេញពលរដ្ឋរបស់ខ្លួនដែលជាប់នៅក្នុងប្រទេសអាហ្វហ្គានីស្ថាន។

រដ្ឋាភិបាលអង់គ្លេសបានបង្កើតគម្រោងមួយដែលអនុញ្ញាតឲ្យអតីតបុគ្គលិកមានសិទ្ធិផ្លាស់ទីលំនៅទៅចក្រភពអង់គ្លេស និងមានមនុស្សជាច្រើនត្រូវបានសង្គ្រោះតាមរយៈគម្រោងនេះសម្រាប់ការជម្លៀសចេញ។

ប៉ុន្តែមនុស្សជាច្រើនមិនបានទទួលការឆ្លើយតបចំពោះការដាក់ពាក្យរបស់ពួកគេ ឬពាក្យរបស់ពួកគេត្រូវបានបដិសេធ ឬក៏បានទទួលហើយ តែមិនអាចទៅដល់ព្រលានយន្តហោះបាន។

កាលពីថ្ងៃពុធម្សិលមិញ អតីតអ្នកបកប្រែអាហ្វហ្គានីស្ថានម្នាក់បានបង្ហាញថា ហោចណាស់កម្លាំងពិសេសអាហ្វហ្គានីស្ថាន៤០០នាក់ដែលបង្វឹកដោយចក្រភពអង់គ្លេសកំពុងលាក់ខ្លួននៅអាហ្វហ្គានីស្ថាន និងអស់សង្ឃឹមក្នុងការរត់គេចទៅចក្រភពអង់គ្លេស។

លោក Rafi Hottak អាយុ៣៥ឆ្នាំដែលបានធ្វើការជាមួយកម្លាំងពិសេសអង់គ្លេសនៅអាហ្វហ្គានីស្ថាន និងឥឡូវស្ថិតនៅទីក្រុង Birmingham បាននិយាយថា លោកបានកំពុងប្រមូលបញ្ជីឈ្មោះអ្នកកំពុងលាក់ខ្លួនទាំងនោះដើម្បីឲ្យជួយ៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសអាហ្វហ្គានីស្ថាន