ព័ត៌មានអន្ដរជាតិ
ប្រភពជិតស្និទ្ធមួយបញ្ជាក់ច្បាស់ៗថា មេដឹកនាំចលនាតស៊ូ អាហ្វហ្គានីស្ថាន មិនបានរត់ចោលប្រទេសនោះទេ
ឯកអគ្គរដ្ឋទូតរបស់រដ្ឋាភិបាលអាហ្វហ្គានីស្ថានប្រចាំនៅតាជីគីស្ថាន បាននិយាយកាលពីថ្ងៃពុធថា មេដឹកនាំ Ahmad Massoud និងអតីតអនុប្រធានាធិបតីអាហ្វហ្គានីស្ថានលោក Amrullah Saleh មិនបានភៀសខ្លួនចេញពីប្រទេសអាហ្វហ្គានីស្ថាននោះទេ ហើយកម្លាំងតស៊ូរបស់ពួកគេនៅតែប្រយុទ្ធជាមួយតាលីបង់ដដែល ។

លោក Zahir Aghbar ប្រេសិតប្រចាំទីក្រុង Dushanbe ក្រោមរដ្ឋាភិបាលរបស់ប្រធានាធិបតីអាហ្វហ្គានីស្ថានលោក Ashraf Ghani ដែលត្រូវបានបណ្ដេញចេញ បានប្រាប់សន្និសីទសារព័ត៌មានមួយនៅរដ្ឋធានីរបស់តាជីគីស្ថានថា លោកមានទំនាក់ទំនងជាប្រចាំជាមួយលោក Saleh ហើយថា មេដឹកនាំចលនាតស៊ូគឺគ្មានទំនាក់ទំនងទូទៅនោះទេ ដោយសារហេតុផលសន្តិសុខ ។
លោក Aghbar បាននិយាយថា “លោក Ahmad Massoud និងលោក Amrullah Saleh មិនបានភៀសខ្លួនទៅប្រទេសតាជីគីស្ថាននោះទេ ហើយព័ត៌មានដែលថាលោក Ahmad Massoud ចាកចេញពីខេត្តជ្រលងភ្នំ Panjshir មិនមែនជាការពិតទេ គាត់កំពុងនៅក្នុងប្រទេសអាហ្វហ្គានីស្ថាន” ។

លោកបាននិយាយទៀតថា “ខ្ញុំមានទំនាក់ទំនងឥតឈប់ឈរជាមួយលោក Amrullah Saleh ដែលបច្ចុប្បន្នកំពុងស្ថិតនៅក្នុងខេត្ត Panjshir ហើយកំពុងដឹកនាំរដ្ឋាភិបាលសាធារណរដ្ឋឥស្លាមអាហ្វហ្គានីស្ថាន” ។
គួរបញ្ជាក់ថា ក្រុមតាលីបង់បានឡើងកាន់អំណាចកាលពីខែមុន ហើយក្រុមនេះបាននិយាយថា ពួកគេបានដណ្តើមបានជ្រលងភ្នំ Panjshir ដែលជាខេត្តមួយមិនធ្លាប់ធ្លាក់ចូលក្នុងដៃរបស់ក្រុមតាលីបង់ឡើយ ៕

ប្រែសម្រួលដោយ ៖ ជីវ័ន្ត
ប្រភព ៖ NDTV
ចុចអាន ៖ អតីតប្រធានាធិបតី អាហ្វហ្គានីស្ថាន ដែលរត់ភៀសខ្លួន សុំទោសប្រជាជនចំពោះការចាកចេញពីទីក្រុងកាប៊ុល

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ