ព័ត៌មានអន្ដរជាតិ

Moderna កំពុងផលិតវ៉ាក់សាំងតែមួយដូសបញ្ចូលទាំងដូសបន្ថែម និងដូសបន្ថែមជំងឺផ្តាសាយ

បានផុស

៣ years មុន

នៅ

ថ្ងៃសុក្រ ១០ កញ្ញា ២០២១

ដោយ

ក្រុមហ៊ុនឱសថ Moderna Inc បាននិយាយនៅថ្ងៃព្រហស្បតិ៍ម្សិលមិញថា ខ្លួនបានកំពុងផលិតវ៉ាក់សាំងតែមួយដូសគត់ដែលបញ្ចូលទាំងដូសបន្ថែមប្រឆាំងកូវីដ-១៩ និងដូសបន្ថែមប្រឆាំងនឹងជំងឺផ្តាសាយ។

លោក Stéphane Bancel នាយកប្រតិបត្តិក្រុមហ៊ុន Moderna Inc បានឲ្យដឹងកំឡុងទិវា Moderna’s R&D ថា ៖«អាទិភាពលេខ១របស់យើងឥឡូវនេះគឺជាក្រុមហ៊ុនដែលនឹងនាំមកកាន់ទីផ្សារនូវវ៉ាក់សាំងផ្លូវដង្ហើមប្រចាំឆ្នាំដែលយើងតែងតែមានគម្រោងធ្វើឲ្យទាន់ទីផ្សារ និងអភិវឌ្ឍថ្មី»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ ក្រុមហ៊ុនក៏បានផ្តល់នូវការធ្វើបច្ចុប្បន្នភាពលើការសាកល្បងឈានដល់ដំណាក់កាលពាក់កណ្តាលសម្រាប់វ៉ាក់សាំងបង្ការកូវីដ-១៩ចំពោះកុមារអាយុ៦ខែដល់តិចជាង១២ឆ្នាំ។

វ៉ាក់សាំង Moderna ដែលទទួលបានការអនុញ្ញាតឲ្យប្រើប្រាស់បន្ទាន់សម្រាប់មនុស្សធំចាប់ពីអាយុ១៨ឆ្នាំឡើងទៅនៅសហរដ្ឋអាមេរិកកាលពីខែធ្នូ បច្ចុប្បន្ននេះកំពុងស្ថិតក្រោមការត្រួតពិនិត្យរបស់រដ្ឋបាលចំណីអាហារ និងឱសថអាមេរិកសម្រាប់ការអនុញ្ញាតឲ្យប្រើប្រាស់ចំពោះមនុស្សវ័យជំទង់។

ជាផ្នែកមួយនៃការសាកល្បងគ្លីនិកសាស្ត្រសម្រាប់កុមារ ក្រុមហ៊ុនបាននិយាយថា ខ្លួននឹងធ្វើតេស្តវ៉ាក់សាំងចំណុះ៥០មីក្រូក្រាមរបស់ខ្លួនក្នុងការសិក្សាលើក្រុមកុមារចំនួន៤០០០នាក់ដែលមានអាយុចាប់ពី៦ឆ្នាំ និងតិចជាង១២ឆ្នាំ។

ក្រុមហ៊ុន Moderna បាននិយាយថា ការសិក្សាជម្រើសដូសម្រាប់ក្រុមអាយុផ្សេងគ្នាដូចជាអាយុ២ឆ្នាំដល់តិចជាង៦ឆ្នាំ និងអាយុ៦ខែដល់តិចជាង២ឆ្នាំ ក៏កំពុងស្ថិតក្នុងដំណាក់កាលសាកល្បងដែរ៕