ព័ត៌មានអន្ដរជាតិ
លោក ចូ បៃដិន ប្រកាសសង្គ្រាមជាមួយជនជាតិអាមេរិកមិនទាន់ចាក់វ៉ាក់សាំងកូវីដ ៨០ លាននាក់
កាលពីថ្ងៃព្រហស្បតិ៍ លោកប្រធានាធិបតី ចូ បៃដិន បានប្រកាសសង្គ្រាមជាមួយជនជាតិអាមេរិកចំនួន ៨០ លាននាក់ដែលមិនទាន់ចាក់វ៉ាក់សាំងការពារជំងឺកូវីដ-១៩ ហើយបានសួរពួកគេថា តើនៅចាំអីទៀត?

លោកបាននិយាយក្នុងសុន្ទរកថានៅសេតវិមានថា “នេះមិនមែននិយាយអំពីសេរីភាពឬជម្រើសផ្ទាល់ខ្លួនទេ។ វានិយាយអំពីការការពារខ្លួនអ្នកនិងអ្នកនៅជុំវិញអ្នក មនុស្សដែលអ្នកធ្វើការជាមួយ មនុស្សដែលអ្នកយកចិត្តទុកដាក់ មនុស្សដែលអ្នកស្រលាញ់។ ការងាររបស់ខ្ញុំក្នុងនាមជាប្រធានាធិបតី គឺត្រូវការពារជនជាតិអាមេរិកទាំងអស់”។
យើងបានអត់ធ្មត់ប៉ុន្តែការអត់ធ្មត់របស់យើងគឺលែងមានហើយ។ ហើយការបដិសេធរបស់អ្នកបានធ្វើឲ្យយើងទាំងអស់គ្នាខាតបង់។ ដូច្នេះសូមធ្វើរឿងត្រឹមត្រូវ។

សុន្ទរកថារបស់លោក បៃដិន គឺជាការផ្លាស់ប្តូរគួរឲ្យកត់សម្គាល់ពីសុន្ទរកថាមុនៗស្តីពីជំងឺរាតត្បាត។ លោកបាននិយាយយ៉ាងម៉ឺងម៉ាត់ ជាមួយអ្នកដែលមិនបានចាក់វ៉ាក់សាំង ហើយបង្ហាញពីការលែងអត់ធ្មត់ ជាមួយនឹងការសម្រេចចិត្តរបស់ពួកគេដែលមិនទៅចាក់ថ្នាំបង្ការ។
លោក បៃដិន បានចោទប្រកាន់អ្នកមិនចាក់វ៉ាក់សាំងថា ធ្វើឲ្យមន្ទីរពេទ្យណែនតាន់តាប់និងរំខានដល់បន្ទប់សង្គ្រោះបន្ទាន់ ដោយមិនទុកកន្លែងសម្រាប់អ្នកដែលគាំងបេះដូងឬអ្នកជំងឺមហារីក។

ស្របពេលជាមួយគ្នានោះ លោកក៏បានគូសបញ្ជាក់ផងដែរ ពីអាណត្តិរដ្ឋាភិបាលថ្មីជាបន្តបន្ទាប់ដែលនឹងតម្រូវឲ្យមានការចាក់វ៉ាក់សាំងសម្រាប់ប្រជាជនអាមេរិកដែលមានការងារធ្វើ ពីរភាគបី។ និយោជិកសហព័ន្ធដែលបដិសេធ អាចត្រូវបានបណ្តេញចេញ ហើយក្រុមហ៊ុនដែលមិនគោរពតាម នឹងប្រឈមការផាកពិន័យជាទឹកប្រាក់រាប់ពាន់ដុល្លារ។
ទោះបីជាយ៉ាងណាក៏ដោយ គណបក្សសាធារណរដ្ឋរួមទាំងអភិបាលនានា បានហៅបទបញ្ជានេះថាជាការបង្ខិតបង្ខំនិងមិនស្របតាមរដ្ឋធម្មនុញ្ញ ហើយបានប្តេជ្ញាថានឹងប្រយុទ្ធប្រឆាំងនៅតុលាការនិងតាមច្បាប់៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ខាននិយាយគ្នា៧ខែ ជួបគ្នាលើកនេះ ចូ បៃដិន និងស៊ី ជីនពីង លើកឡើងបញ្ហាអ្វីខ្លះ?

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ