ព័ត៌មានអន្ដរជាតិ
លោក បៃដិន តម្រូវឲ្យនិយោជកដែលមាននិយោជិតលើស ១០០ នាក់ អនុវត្ត “វ៉ាក់សាំងកាតព្វកិច្ច” ឬធ្វើតេស្តប្រចាំសប្តាហ៍
រដ្ឋបាលលោក បៃដិន កំពុងតម្រូវឲ្យនិយោជកដែលមាននិយោជិតលើស ១០០ នាក់ត្រូវកំណត់វ៉ាក់សាំងកាតព្វកិច្ចលើពួកគេ ឬធ្វើតេស្តប្រចាំសប្តាហ៍ ដែលការទាមទារនេះនឹងប៉ះពាល់ដល់កម្មករជាង ៨០ លាននាក់។
រដ្ឋបាលនេះ ក៏នឹងអនុវត្តការផាកពិន័យជាទឹកប្រាក់រហូតដល់ទៅ ១៤,០០០ ដុល្លារក្នុងមួយករណីផងដែរ ចំពោះនិយោជកដែលមិនអើពើនឹងអាណត្តិទាំងនេះ។

ការទាមទារនេះ គឺជាផ្នែកមួយនៃផែនការទ្រង់ទ្រាយធំ ដើម្បីបញ្ឈប់ការរីករាលដាលនៃជំងឺកូវីដ-១៩ ដែលលោក បៃដិន បានបង្ហាញកាលពីរសៀលថ្ងៃព្រហស្បតិ៍ (ពេលវេលានៅអាមេរិក)។
ផែនការនោះរួមមាន កាតព្វកិច្ចចាក់វ៉ាក់សាំងសម្រាប់និយោជិតសហព័ន្ធ អ្នកម៉ៅការទីភ្នាក់ងារសហព័ន្ធនិងបុគ្គលិកនៅគ្រប់មណ្ឌលថែទាំសុខភាពដែលទទួលបានមូលនិធិសហព័ន្ធពី Medicare ឬ Medicaid។
មិនដូចនិយោជិតនៅក្រុមហ៊ុនឯកជនទេ បុគ្គលិកទាំងនេះនឹងមិនអាចជ្រើសរើសយកការធ្វើតេស្តជាប្រចាំ ជំនួសឲ្យការចាក់វ៉ាក់សាំងបានឡើយ។

លោកបៃដិន បាននិយាយកាលពីខែមុនថា បុគ្គលិកសហព័ន្ធ ត្រូវចាក់វ៉ាក់សាំងឲ្យបានពេញលេញឬធ្វើតេស្តឲ្យបានទៀងទាត់និងពាក់ម៉ាស។ លោកក៏បានផ្តល់វ៉ាក់សាំងការពារជំងឺកូវីដ -១៩ ដល់បុគ្គលិកមណ្ឌលថែទាំផងដែរ។
តាមរយៈការណែនាំអំពីអាណត្តិថ្មីនេះ លោកបៃដិនសង្ឃឹមថា នឹងអាចប្រយុទ្ធប្រឆាំងជាមួយការគំរាមកំហែងរបស់វីរុសកូវីដបំប្លែងខ្លួន Delta នៅសហរដ្ឋអាមេរិកបាន។
យោងតាមមជ្ឈមណ្ឌលគ្រប់គ្រងនិងបង្ការជំងឺបានឲ្យដឹងថា វីរុសបំប្លែងខ្លួននេះ គ្របដណ្តប់រហូតដល់ទៅជាង ៩០ភាគរយឯណោះ នៃករណីកូវីដនៅសហរដ្ឋអាមេរិក។

ថ្វីត្បិតតែករណីប្រចាំថ្ងៃបានចាប់ផ្តើមធ្លាក់ចុះបន្តិចក៏ពិតមែន ប៉ុន្តែវានៅតែមានការឆ្លងជាមធ្យមប្រហែល ១៣៦,០០០ ករណីក្នុងមួយថ្ងៃដដែល។
រីឯអត្រាការចូលព្យាបាលក្នុងមន្ទីរពេទ្យ និងការស្លាប់នៅតែមានកម្រិតខ្ពស់ដដែល ពោលមួយថ្ងៃមានអ្នកចូលព្យាបាលក្នុងមន្ទីរពេទ្យប្រហែល ១០០,០០០ នាក់និងស្លាប់ប្រហែល ១,០០០នាក់៕
ប្រែសម្រួល៖ Vann Vann
ប្រភព៖ Business Insider
ចុចអាន៖ លោក ចូ បៃដិន ប្រកាសសង្គ្រាមជាមួយជនជាតិអាមេរិកមិនទាន់ចាក់វ៉ាក់សាំងកូវីដ ៨០ លាននាក់

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ