ព័ត៌មានអន្ដរជាតិ

កូរ៉េខាងជើងបាញ់សាកល្បងមីស៊ីលនាំផ្លូវចម្ងាយឆ្ងាយជោគជ័យទៀតហើយ

បានផុស

៤ years មុន

នៅ

ថ្ងៃចន្ទ ១៣ កញ្ញា ២០២១

ដោយ

ប្រទេសកូរ៉េខាងជើងបានអះអាងថា ខ្លួនបានបាញ់សាកល្បងមីស៊ីលនាំផ្លូវចម្ងាយឆ្ងាយថ្មីដោយជោគជ័យកាលពីចុងសប្តាហ៍កន្លងទៅ។ នេះបើយោងតាមទីភ្នាក់សារព័ត៌មានមជ្ឈិមកូរ៉េ (KCNA) គ្រប់គ្រងដោយរដ្ឋបានផ្សាយ។

របាយការណ៍ចុះកាលបរិច្ឆេទនៅថ្ងៃចន្ទនេះបាននិយាយថា បណ្ឌិតសភាវិទ្យាសាស្ត្រការពារជាតិរបស់កូរ៉េខាងជើងបានបាញ់សាកល្បងដោយជោគជ័យនូវមីស៊ីលកាលពីថ្ងៃទី១១ និង១២ ខែកញ្ញា ហើយថា អាវុធទាំងនោះត្រូវបានផលិតអស់រយៈពេល២ឆ្នាំហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសារព័ត៌មានបាននិយាយថា អាវុធទាំងនោះបានបង្ហាញពីការទប់ស្កាត់ដ៏មានប្រសិទ្ធភាពមួយទៀតដែលមានន័យថា សម្រាប់ការធានាកាន់តែរឹងមាំចំពោះសន្តិសុខនៃរដ្ឋ និងកម្លាំងយោធារបស់ខ្លួន។

មន្ត្រីបាននិយាយថា សហរដ្ឋអាមេរិក និងកូរ៉េខាងត្បូងកំពុងស្វែងរកការអះពីការបាញ់សាកល្បងនេះ។

មន្ត្រីក្រសួងការពារជាតិកូរ៉េខាងត្បូងម្នាក់បាននិយាយថា ៖«មីស៊ីលនាំផ្លូវជារឿយៗត្រូវបានរកឃើញ បន្ទាប់ពីការសាកល្បងត្រូវបានធ្វើឡើងសម្រាប់កម្ពស់ហោះហើរទាបរបស់ពួកគេ។ កូរ៉េខាងជើងបានបន្តបាញ់សាកល្បងមីស៊ីលនាំផ្លូវពីរលើកហើយក្នុងឆ្នាំនេះ ប៉ុន្តែយើងមិនបញ្ចេញពួកគេ ពីព្រោះយើងមិនបង្ហាញទាំងអស់ពីការបាញ់សាកល្បងមីស៊ីលនាំផ្លូវដែលបានរកឃើញទេ»។

សេចក្តីប្រកាសពីការចាប់ផ្តើមបាញ់សាកល្បងរបស់កូរ៉េខាងជើងបានកើតឡើង នៅពេលបេសកជននុយក្លេអ៊ែរកំពូលរបស់កូរ៉េខាងត្បូងកំពុងឆ្ពោះទៅប្រទេសជប៉ុនដើម្បីពិភាក្សាពីកូរ៉េខាងជើងជាមួយមន្ត្រីអាមេរិក និងជប៉ុននៅងថ្ងៃចន្ទ និងអង្គារ៍៕

ប្រែសម្រួល៖ វីរបុត្រ
ប្រភព៖ CNN

Related Topics:ប្រទេសកូរ៉េខាងជើង