ព័ត៌មានអន្ដរជាតិ
តាលីបង់ គំរាមសម្លាប់កីឡាការិនីប្រដាល់ជម្រើសជាតិ អាហ្វហ្គានីស្ថាន ពេលឃើញហ្វឹកហាត់ជាមួយគ្រូប្រុស
ជើងឯកប្រដាល់ទម្ងន់ស្រាលអាហ្វហ្គានីស្ថាន និងជាសមាជិកក្រុមប្រដាល់ជម្រើសជាតិនារីគឺកីឡាការិនី Seema Rezai បាននិយាយថា នាងត្រូវបង្ខំចិត្តចាកចេញពីប្រទេស បន្ទាប់ពីក្រុមតាលីបង់គំរាមសម្លាប់ ប្រសិនបើនាងនៅតែបន្តហ្វឹកហាត់ប្រដាល់ទៀត ។

កីឡាការិនី Rezai បាននិយាយថា “នៅពេលដែលពួកតាលីបង់ដណ្តើមបានទីក្រុងកាប៊ុលនៅពាក់កណ្តាលខែសីហា ខ្ញុំកំពុងហ្វឹកហាត់ប្រដាល់ជាមួយគ្រូបង្វឹករបស់ខ្ញុំ ។ ប៉ុន្តែបន្ទាប់មកមនុស្សមួយចំនួនបានប្រាប់តាលីបង់ថា មានក្មេងស្រីម្នាក់កំពុងហ្វឹកហាត់ជាមួយគ្រូបង្វឹកបុរស ហើយពួកគេបានផ្ញើសារព្រមានខ្ញុំឲ្យបញ្ឈប់ការហ្វឹកហាត់ជាកំហិត ប្រសិនបើខ្ញុំមិនយល់ព្រមធ្វើដូច្នេះទេ ពួកគេនឹងសម្លាប់ខ្ញុំ” ។
បន្ទាប់ពីនោះអត្តពលិកវ័យ ១៨ ឆ្នាំរូបនេះបានសម្រេចចិត្តចាកចេញពីស្រុកកំណើតរបស់នាងតែម្នាក់ឯងដោយគ្មានគ្រួសារ ព្រោះនាងចង់បន្តការហ្វឹកហាត់ប្រដាល់របស់នាង ។ Rezai បានចាកចេញទៅប្រទេសកាតាតាមជើងហោះហើរជម្លៀស ហើយបច្ចុប្បន្នកំពុងរង់ចាំទិដ្ឋាការទៅសហរដ្ឋអាមេរិកជាកន្លែងដែលនាងសង្ឃឹមថា នឹងបន្តអាជីពកីឡារបស់នាង ។

អត្តពលិករូបនេះបានកត់សម្គាល់ថា ការធ្វើជាកីឡាការិនីប្រដាល់នៅអាហ្វហ្គានីស្ថាន សូម្បីតែនៅក្រោមរដ្ឋាភិបាលមុនក៏ជាបញ្ហាប្រឈមដ៏ធំមួយសម្រាប់ស្ត្រីផងដែរ ដោយសារតែអាកប្បកិរិយាអវិជ្ជមានជាប្រពៃណីរបស់សង្គមអាហ្វហ្គានីស្ថានចំពោះអាជីពកីឡារបស់ស្ត្រី ។ ដោយហេតុផលនេះហើយទើបនាងអះអាងថា សហព័ន្ធ និងគណៈកម្មាធិការអូឡាំពិកអាហ្វហ្គានីស្ថាន មិនដែលរកប្រាក់បានសម្រាប់ការចូលរួមរបស់ក្រុមនារីក្នុងការប្រកួតអន្តរជាតិឡើយ ។
គួរបញ្ជាក់ថា កីឡាការិនី Rezai បានចាប់ផ្តើមអាជីពប្រដាល់តាំងពីអាយុ ១៦ ឆ្នាំមកម៉្លេះ ប៉ុន្តែក្រុមគ្រួសាររបស់នាងគ្មាននរណាម្នាក់មិនចូលចិត្តវិស័យនេះ និងឲ្យនាងបន្តហ្វឹកហាត់ឡើយ ៕

ប្រែសម្រួលដោយ ៖ ជីវ័ន្ត
ប្រភព ៖ Sputnik

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ