Connect with us

ព័ត៌មានអន្ដរជាតិ

ស្ត្រី​អាហ្វហ្គានីស្ថាន​បញ្ចេញ​រូប​ថត​សម្លៀក​បំពាក់​ស្អាត​ៗ​ប្រឆាំង​នឹង​តាលីបង់

បានផុស

នៅ

ស្ត្រី​អាហ្វហ្គានីស្ថាន​ពី​ទី​កន្លែង​ផ្សេង​ៗ​ក្នុង​ពិភព​លោក​បាន​កំពុង​តវ៉ា​ប្រឆាំង​នឹងតម្រូវ​ការ​ស្លៀក​ពាក់​ឈុត​ Hijab ថ្មី​របស់​តាលីបង់​​នៅ​សាលា​រៀន​តាម​រយៈ​បញ្ចេញ​រូបថត​​ដែល​ពួក​គេ​ស្លៀក​ពាក់​រ៉ូប ឬ​សម្លៀក​បំពាក់​ប្រពៃណី​ពណ៌​ស្រស់​ឆើត​ឆាយ និង​បង្ហាញ​មុខ​មាត់​ទាំង​ស្រុង​នៅ​លើ​បណ្តាញ​សង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្មាន​ថ្ងៃ​ចុង​ក្រោយ​នេះ​តាលីបង់​បាន​កំណត់​​សម្រាប់​ការ​អង្គុយ​ដាច់​ដោយ​ឡែក​ពី​គ្នា​រវាង​សិស្ស​ប្រុស និង​ស្រី​នៅ​ក្នុង​បន្ទប់​រៀន ហើយ​បាន​និយាយ​ថា និស្សិត​ សាស្ត្រាចារ្យ និង​បុគ្គលិក​ជា​ស្ត្រី​ភេទ​ត្រូវ​ស្លៀក​ពាក់​ឈុត hijabs ដោយ​យោង​ទៅ​តាម​ច្បាប់ Sharia របស់​ពួក​គេ។

កាល​ពី​ថ្ងៃ​សៅរ៍​កន្លង​ទៅ​នេះ រូបថតបាន​លេច​ចេញ​ពី​និស្សិត​ស្រីមួយ​ក្រុម​បាន​ស្លៀក​ពាក់​ឈុត​​ជិត​ខ្លួន​ពី​លើ​ក្បាល​រហូត​ដល់​ចុង​ជើង ដោយ​កាន់​​គ្រវីទង់​ជាតិ​តាលីបង់​នៅ​សាលសាស្ត្រចារ្យ​របស់​សាកល​វិទ្យាល័យ​មួយ​ដែល​គ្រប់​គ្រង​ដោយ​រដ្ឋ​នៅ​ទី​ក្រុង​កាប៊ុល។

ស្ត្រី​អាហ្វហ្គានីស្ថាន​ផ្សេង​ទៀត​បាន​ឆ្លើយ​តប​នឹង​និស្សិត​ស្រី​មួយ​ក្រុម​ខាង​លើ​ដោយ​បញ្ចេញ​រូប​ថត​​ផ្ទាល់​ខ្លួន​របស់​ពួក​គេ​ដែល​ឈុត​ប្រពៃណីពណ៌​ស្រស់ឆើត​ឆាយ និង​លេច​ធ្លោ​ដែល​នេះជា​សកម្ម​ភាព​ប្រឆាំង​នឹង​បទ​បញ្ជា​របស់​តាលីបង់​ឲ្យ​ស្ត្រី​ស្លៀក​ពាក់​ឈុត​ hijab ពណ៌​ខ្មៅ​ជិត​ខ្លួន​ទាំង​ស្រុង។

ស្ត្រី​ឈ្មោះ Bahar Jalali អតីត​សមាជិកសាកល​វិទ្យាល័យអាមេរិក​អាហ្វហ្គានីស្ថាន​បាន​ចាប់​ផ្តើម​យុទ្ធនាការណ៍ចែក​រំលែក​រូបថត​នៅ​តាម​បណ្តាញ​សង្គម LinkedIn ខណៈ​អ្នក​ផ្សេង​ទៀត​បញ្ចេញ​រូប​ថត​តាម Twitter។

Jalali បានសរសេរ​នៅ​លើ​រូបថតមួយ​សន្លឹក​ដែល​ស្ត្រី​ស្លៀក​ឈុត​ពណ៌​ខ្មែរ​ជិត​ខ្លួន​ថា ៖«ទេ ស្ត្រី​មិន​​​ធ្លាន់​ស្លៀក​ពាក់​​ឈុត​បែប​នេះ​ទេ​ក្នុង​ប្រវត្តិ​សាស្ត្រ​អាហ្វហ្គានីស្ថាន។ នេះ​ជា​វប្បធម៌​បរទេសទាំង​ស្រុង។ ខ្ញុំ​បាន​ផុស​រូប​ភាព​សម្លៀក​បំពាក់ប្រពៃណី​ដើម្បី​​ជម្រាប អប់រំ និងទាត់​ចោល​ព័ត៌មាន​មិន​ពិត​ដែល​តាលីបង់​កំពុង​ឃោសនា»។

ភ្លាម​ៗ​នោះ ស្ត្រី​អាហ្វហ្គានីស្ថានផ្សេង​ៗ​ទៀត​ក៏​ចាប់​ផ្តើម​បញ្ចេញ​រូប​ថត​សម្លៀក​បំពាក់​ប្រពៃណី​របស់​ពួក​គេ​នៅ​លើ​បណ្តាញ​សង្គម​ជាបន្ត​បន្ទាប់៕

ប្រែ​សម្រួល៖ វីរបុត្រ
ប្រភព៖ CNN

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម