បាតុករជាង៩០នាក់ ត្រូវចាប់ខ្លួនព្រោះតវ៉ាបិទផ្លូវធ្វើឲ្យស្ទះចរាចរណ៍នៅ អង់គ្លេស (មានវីដេអូ)

មនុស្សជាង៩០នាក់ ត្រូវបានចាប់ខ្លួនបន្ទាប់ពីក្រុមបាតុករតវ៉ាអំពីវិបត្តិអាកាសធាតុ បានបិទផ្លូវហាយវេ M25 ក្នុងអំឡុងពេលព្រឹកដែលមានចរាចរណ៍កកកុញ ដែលនាំឲ្យមានការកកស្ទះយ៉ាងធំធេង។

ក្រុម Insulate Britain បានអង្គុយធ្វើបាតុកម្ម នៅទីតាំងជាច្រើន ទូទាំងភាគអាគ្នេយ៍ប្រទេសអង់គ្លេស កាលពីថ្ងៃចន្ទរួមមានទាំង Hertfordshire, Surrey, Kent និង Essex ផងដែរ។

អ្នកតវ៉ាប្រហែល ២០ នាក់ ត្រូវបានគេថតជាប់ កំពុងអង្គុយនៅចំកណ្តាល នៃផ្លូវប្រសព្វលេខ ២០ ក្នុងភូមិ Kings Langley នៃតំបន់ Hertfordshire។

ក៏មានសេចក្តីរាយការណ៍អំពីការធ្វើបាតុកម្មនៅចំណុចប្រសព្វលេខ ៣ ក្នុងតំបន់ Swanley, ចំណុចប្រសព្វលេខ ៦ នៅ Godstone, ចំណុចប្រសព្វលេខ ១៤ នៅ Heathrow, ចំណុចប្រសព្វលេខ៣០ នៅ Thurrock និងចំណុចប្រសព្វលេខ៣១ នៅ Lakeside/Purfleet ផងដែរ។

សរុបទៅ មនុស្ស ៩២ នាក់ត្រូវបានចាប់ខ្លួនពាក់ព័ន្ធនឹងការតវ៉ានេះ។

ក្រុម Insulate Britain កំពុងអំពាវនាវឲ្យរដ្ឋាភិបាលបន្តការងារ ការពារអង់គ្លេស ពីកម្តៅព្រះអាទិត្យ។

ក្រុមនេះបានសរសេរលើបណ្តាញ Twitter ថា “យើងកំពុងរំខានដល់ផ្លូវ M25។ ហេតុអ្វី? យើងកំពុងទាមទារឲ្យរដ្ឋាភិបាលនិងលោក BorisJohnson បង្កើតការងាររាប់សែនកន្លែង កាត់បន្ថយការបំភាយឧស្ម័ន និងជួយសង្គ្រោះជីវិតមនុស្ស”៕

វីដេអូ៖

ប្រែសម្រួល៖ Vann Vann

ប្រភព៖ Independent

ចុចអាន៖ បុរសអូស្ត្រាលីត្រូវជាប់គុក ៨ ខែ ពីបទរៀបចំបាតុកម្មប្រឆាំងការបិទខ្ទប់