ព័ត៌មានអន្ដរជាតិ
Moderna បញ្ជាក់ថា វ៉ាក់សាំងខ្លួនថយចុះប្រសិទ្ធភាព ខណៈរកឃើញដូសទី៣មានប្រសិទ្ធភាពខ្លាំង
ទិន្នន័យថ្មីពីការសាកល្បងវ៉ាក់សាំងបង្ការកូវីដ-១៩ Moderna បានបង្ហាញពីប្រសិទ្ធភាពការពាររបស់ខ្លួនបានថយចុះទៅតាមពេលវេលា ដូច្នេះត្រូវការចាក់ដូសជំរុញបន្ថែម (ដូសទី៣)។ នេះបើយោងតាមក្រុមហ៊ុនបាននិយាយក្នុងសេចក្តីប្រកាសថ្មីកាលពីថ្ងៃពុធ ទី១៥ ខែកញ្ញា។
ប្រធានក្រុមហ៊ុន Moderna លោក Stephen Hoge បាននិយាយថា ៖«នេះគ្រាន់តែជាប៉ាន់ស្មានមួយ ប៉ុន្តែយើងជឿជាក់ចំណុចនេះ នៅពេលអ្នកគិតទៅដល់រដូវស្លឹកឈើជ្រុះ និងរដូវរងា ហោចណាស់ យើងរំពឹងពីផលប៉ះពាល់ដោយសារតែប្រសិទ្ធភាពការពារដែលប៉ាន់ស្មានបានធ្លាក់ចុះគឺអាចមានអ្នកឆ្លងកូវីដបន្ថែម៦០ម៉ឺននាក់»។

លោក Hoge មិនបានព្យាករថាតើចំនួនប៉ុន្មានករណីដែលនឹងឈឺធ្ងន់ធ្ងរ ប៉ុន្តែលោកនិយាយថា អ្នកឆ្លងមួយចំនួនត្រូវការចូលព្យាបាលនៅមន្ទីរពេទ្យ។
ទិន្នន័យនេះផ្ទុយពីទិន្នន័យដែលបានសិក្សាថ្មីៗជាច្រើនដែលលើកឡើងថា ប្រសិទ្ធភាពការពាររបស់វ៉ាក់សាំង Moderna នៅបានយូរជាងវ៉ាក់សាំង Pfizer និង BioNTech។ អ្នកជំនាញនិយាយថា ភាពខុសគ្នាទំនងជាបណ្តាលមកពីកម្រិតខ្ពស់ mRNA របស់វ៉ាក់សាំង Moderna និងចន្លោះពេលយូរជាងបន្តិចរវាងការចាក់ដូសទី១ និងដូសទី២។
ការសាកសល្បងគ្លីនិកសាស្ត្រដ៏ធំដំណាក់កាលទី៣បានបង្ហាញថា វ៉ាក់សាំងទាំងពីរមានប្រសិទ្ធភាពខ្ពស់ក្នុងការការពារជំងឺ។
ទោះបីជាយ៉ាងណា ការវិភាគកាលពីថ្ងៃពុធបង្ហាញថា អត្រាខ្ពស់នៃការឆ្លងកូវីដក្នុងចំណោមអ្នកចាក់វ៉ាក់សាំងរួចក្នុងពេលប្រហែល១៣ខែមុន ប្រៀបធៀបនឹងអ្នកចាក់វ៉ាក់សាំងប្រហែលជា៨ខែមុន។ រយៈពេលការសិក្សាគឺចាប់ពីខែកក្កដា និងសីហា ដែលជាពេលវីរុសបំប្លែងខ្លួនឆ្លងកាច Delta វាយលុកខ្លាំង។
ក្រុមហ៊ុន Moderna កាលពីថ្ងៃទី១ ខែកញ្ញាបានដាក់ឯកសារទៅរដ្ឋបាលចំណីអាហារ និងឱសថ (FDA) អាមេរិកដើម្បីស្នើសុំការអនុញ្ញាតសម្រាប់ការចាក់ដូសទី៣។ បង្ហាញពីការវិភាគរបស់ FDA ពីឯកសារដូសទី៣របស់ Pfizer បានបញ្ចេញកាលពីព្រឹកថ្ងៃពុធបានលើកឡើងថា បញ្ហាសំខាន់ដែលទីភ្នាក់ងារនឹងពិចារណាគឺថាតើប្រសិទ្ធភាពការពាររបស់វ៉ាក់សាំងថយចុះឬយ៉ាងណា។
លោក Hoge បាននិយាយថា ទិន្នន័យពីការសិក្សាចាក់ដូសទី៣បង្ហាញថា វ៉ាក់សាំងអាចបង្កើនអង់ទីគ័រកាន់តែមានកម្រិតខ្ពស់ជាងដូសទី២។
លោកថា ៖«យើងជឿថា នេះនឹងកាត់បន្ថយករណីឆ្លងកូវីដ។ យើងក៏ជឿថា ដូសទី៣នៃវ៉ាក់សាំង mRNA-1273 មានឱកាសនៃការពង្រីកភាពស៊ាំកាន់តែខ្លាំងរហូតដល់ឆ្នាំក្រោយ នៅពេលយើងព្យាយាមបញ្ចប់វិបត្តិកូវីដ»៕
ប្រែសម្រួល៖ វីរបុត្រ
ប្រភព៖ Reuters

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ