ព័ត៌មានអន្ដរជាតិ
ហ្គីណេ ប្រកាសបញ្ចប់វីរុសឆ្លងសាហាវមួយនេះលែងមានក្នុងប្រទេសហើយ
ប្រទេសហ្គីណេកាលពីថ្ងៃព្រហស្បតិ៍បានប្រកាសពីការបញ្ចប់ការផ្ទុះឡើងនៃវីរុស Marburg ខណៈមិនមានករណីឆ្លងថ្មីក្នុងរយៈពេល ៤២ ថ្ងៃចុងក្រោយនេះ ។

ប្រទេសនេះបានរាយការណ៍ករណីឆ្លងវីរុស Marburg នៅថ្ងៃទី ៩ ខែសីហា ពោលជាលើកទីមួយដែលជំងឺនេះបានលេចឡើងនៅក្នុងប្រទេស និងនៅអាហ្វ្រិកខាងលិច ។
មានតែករណីមួយប៉ុណ្ណោះដែលត្រូវបានកត់ត្រា ខណៈអ្នកជំងឺដែលត្រូវបានគេធ្វើរោគវិនិច្ឆ័យថាមានវីរុសនេះ ក្រោយមកបានស្លាប់ ហើយអ្នកដែលមានទំនាក់ទំនងជាមួយអ្នកជំងឺចំនួន ១៧០ ត្រូវបានត្រួតពិនិត្យ និងតាមដានរយៈពេល ២១ ថ្ងៃ ហើយលទ្ធផលគឺអវិជ្ជមាន ។

ទន្ទឹមនោះលោកស្រីវេជ្ជបណ្ឌិត Matshidiso Moeti នាយកអង្គការសុខភាពពិភពលោក (WHO) ប្រចាំទ្វីបអាហ្វ្រិកបាននិយាយថា “បើគ្មានវិធានការបន្ទាន់ និងការសម្រេចចិត្តច្បាស់លាស់នោះទេ ជំងឺឆ្លងខ្ពស់ដូចជា Marburg មិនអាចងាយនឹងកម្ចាត់ឡើយ” ។
លោកស្រីបន្តថា “ថ្ងៃនេះយើងអាចចង្អុលបង្ហាញពីជំនាញដែលកំពុងកើនឡើង ក្នុងការឆ្លើយតបទៅនឹងការផ្ទុះឡើងនៅប្រទេសហ្គីណេ និងតំបន់ផ្សេងទៀតដែលយើងបានជួយសង្គ្រោះជីវិត ទប់ស្កាត់ និងបញ្ចៀសការរីករាលដាលនៃវីរុស Marburg” ។

យោងតាម WHO បានឲ្យដឹងថា វីរុស Marburg ជាវីរុសឆ្លងសាហាវហូរឈាមពេញរាងកាយស្រដៀងទៅនឹងជំងឺ អេបូឡា ដែរ ហើយអ្នកជំងឺមានអត្រាស្លាប់រហូតដល់ ៨៨ ភាគរយ ៕
ប្រែសម្រួលដោយ ៖ ជីវ័ន្ត
ប្រភព ៖ CGTN
ចុចអាន ៖ WHO ងាកទៅផ្តោតលើមេរោគឆ្លងសាហាវ កំពុងផ្ទុះនៅ អាហ្វ្រិកខាងលិច

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៨ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ