កូរ៉េខាងជើង បញ្ចេញវីដេអូច្បាស់ៗការបាញ់មីស៊ីលផ្លោងចេញពីរថភ្លើង

យោធារបស់ប្រទេសកូរ៉េខាងជើងកាលពីថ្ងៃសុក្របានបញ្ចេញវីដេអូនៃការបាញ់សាកល្បងមីស៊ីលចេញពីរថភ្លើងកាលពីព្រឹកថ្ងៃពុធ ។

កាសែត Rodong Sinmun ដែលជាកាសែតផ្លូវការរបស់គណបក្សពលករកំពុងកាន់អំណាចបាននិយាយថា មីស៊ីលល្បឿនលឿន MRM ដែលទើបបង្កើតថ្មី បានចាប់ផ្ដើមបាញ់សាកល្បងដោយជោគជ័យ ។

រូបថតដែលភ្ជាប់ជាមួយរបាយការណ៍បង្ហាញពីមីស៊ីលហោះចេញពីរថភ្លើងនៅលើផ្លូវដែក ជាមួយនឹងបំពង់ផ្សែងដ៏ធំ ។ កាសែតនេះមិនបាននិយាយថា មីស៊ីលប្រភេទណាដែលត្រូវបានគេបាញ់នោះទេ ។

កាសែតនេះនិយាយថា សមយុទ្ធនេះបានធ្វើឡើងនៅតំបន់ភ្នំមួយភាគកណ្តាលប្រទេសកូរ៉េខាងជើង ហើយមីស៊ីលនេះបានបាញ់ចំគោលដៅនៅសមុទ្រជប៉ុនចម្ងាយ ៨០០ គីឡូម៉ែត្រ ។

ជាចុងក្រោយកាសែតនេះមិនបាននិយាយថា តើមេដឹកនាំកូរ៉េខាងជើងលោក គីម ជុងអ៊ុន បានចូលរួមក្នុងសមយុទ្ធនេះដែរឬយ៉ាងណានោះទេ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Interesting Engineering

ចុចអាន ៖ ព្យុហយាត្រារបស់ កូរ៉េខាងជើង លើកនេះ​ធ្វើឲ្យពិភពលោកកំពុងងឿងឆ្ងល់