Connect with us

ព័ត៌មានអន្ដរជាតិ

ខេត្តភាគខាងត្បូង វៀតណាម ឲ្យបុគ្គលិកពេទ្យដែលឆ្លងកូវីដបន្តព្យាបាលអ្នកជំងឺ ទាំងឈឺ

បានផុស

នៅ

អាជ្ញាធរនៅខេត្ត Dong Nai ភាគខាងត្បូងប្រទេសវៀតណាមបានអនុញ្ញាតឲ្យបុគ្គលិកពេទ្យដែលឆ្លងជំងឺកូវីដ ១៩ មិនបង្ហាញរោគសញ្ញា និងមានរោគសញ្ញាតិចតួច បន្តព្យាបាលអ្នកជំងឺកូវីដនៅមន្ទីរពេទ្យក្នុងតំបន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការយល់ព្រមនេះត្រូវបានចុះហត្ថលេខាដោយលោក Phan Huy Anh Vu ប្រធានមន្ទីរសុខាភិបាលខេត្ត Dong Nai កាលពីថ្ងៃសុក្រ ។

ដើម្បីចៀសវាងការដាក់សម្ពាធបន្ថែមលើប្រព័ន្ធថែទាំសុខភាព ប្រធានមន្ទីរសុខាភិបាលខេត្តបានផ្តល់ការអនុញ្ញាតឲ្យបុគ្គលិករបស់មន្ទីរពេទ្យដែលឆ្លងជំងឺកូវីដ ១៩ មានរោគសញ្ញាស្រាល ឬគ្មានរោគសញ្ញា ត្រូវព្យាបាលអ្នកជំងឺនៅបរិវេណធ្វើចត្តាឡីស័ករបស់ខ្លួន ។

លោក Anh Vu បាននិយាយថា ក្នុងអំឡុងពេលដែលពួកគេធ្វើចត្តាឡីស័ក បុគ្គលិកពេទ្យក៏អាចចូលរួមក្នុងការព្យាបាលអ្នកជំងឺដែលឆ្លងជំងឺកូវីដ ១៩ នៅមន្ទីរពេទ្យបានផងដែរ និងទទួលបានប្រាក់ឧបត្ថម្ភតាមច្បាប់ដែលបានចែង ។

ទន្ទឹមនោះ មានសេចក្តីរាយការណ៍ថា បុគ្គលិកពេទ្យចំនួន ៤២ នាក់នៅមន្ទីរពេទ្យ Dong Nai បានធ្វើតេស្តវិជ្ជមានចំពោះជំងឺកូវីដ ១៩ ហើយពួកគេមួយចំនួននៅតែស្ម័គ្រចិត្តចូលរួមក្នុងការព្យាបាលអ្នកជំងឺដែលឆ្លងកូវីដ ។

រហូតមកដល់ពេលនេះ ខេត្ត Dong Nai បានកត់ត្រាករណីឆ្លងក្នុងសហគមន៍ចំនួន ៣៨,០៨១ ករណីចាប់តាំងពីរលកឆ្លងលើកទី ៤ បានផ្ទុះឡើងនៅថ្ងៃទី ២៧ ខែមេសា ដែលធ្វើឲ្យខេត្តនេះក្លាយជាតំបន់ដែលរងគ្រោះខ្លាំងទី ៣ នៅវៀតណាម បន្ទាប់ពីទីក្រុងហូជីមិញ និងខេត្ត Binh Duong ។

គួរបញ្ជាក់ថា គិតត្រឹមពេលនេះ វៀតណាមបានកត់ត្រាករណីឆ្លងជំងឺកូវីដ ១៩ នៅទូទាំងប្រទេសជាង ៦៦ ម៉ឺនករណី និងមានអ្នកស្លាប់សរុប ១៦,៦៣៧ នាក់ ចាប់តាំងពីការរីករាលដាលនៃជំងឺកូវីដ ១៩ បានផ្ទុះឡើងដំបូងកាលពីដើមឆ្នាំមុន ៕

ប្រែសម្រួលដោយ ៖ ជីវ័ន្ត

ប្រភព ៖ Tuoi Tre

ចុចអាន ៖ វៀតណាម ត្រៀមបើករមណីយដ្ឋានកោះចម្ងាយ ១០ គីឡូម៉ែត្រពីឆ្នេរសមុទ្រ កម្ពុជា ឡើងវិញដល់ភ្ញៀវទេសចរបរទេស

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

ហ្សេលេនស្គី៖ អ៊ុយក្រែន​ត្រៀម​ខ្លួនប្រគល់​ទឹក​ដី​ដូរ​យក​សន្តិភាពហើយ

សន្តិសុខសង្គម៧ ម៉ោង មុន

Breaking News៖ អគ្គិភ័យកំពុងឆេះ​ស្ថានីយ​ប្រេង​ឥន្ធនៈ​ នៅខេត្តព្រះសីហនុ(មានវីដេអូ)

ព័ត៌មានជាតិ៤ ម៉ោង មុន

ស្ពានឆ្លងកាត់ទន្លេមេគង្គ ភ្ជាប់ទៅ​ផ្លូវល្បឿន​លឿន​​ភ្នំពេញ-បាវិត​​ វឌ្ឍនភាព​​​សម្រេច​​​បាន​​ជាង ៥%

ព័ត៌មានអន្ដរជាតិ២៤ ម៉ោង មុន

កូរ៉េខាងជើងគំរាមសងសឹក ក្រោយនាវាមុជទឹក​នុយក្លេអ៊ែរ​អាមេរិក​ចូលចតនៅ​កំពង់ផែប៊ូសាន

ព័ត៌មានអន្ដរជាតិ៥ ម៉ោង មុន

ហេតុការណ៍បំផ្ទុះ​គ្រាប់បែក​អត្តឃាត​​កក្រើក​ឡើង​ជាថ្មី​នៅ​អា​ហ្វ​ហ្គា​នី​ស្ថាន​

Sokha Hotels

ព័ត៌មានពេញនិយម